20 Naýryz, 2020 NEWS

Erjan Qalymbaıuly Atyraý oblysy ákiminiń baspasóz hatshysy bolyp taǵaıyndaldy

Foto: inform.kz

Erjan Qalymbaıuly Atyraý oblysy ákiminiń baspasóz hatshysy – baspasóz qyzmetiniń jetekshisi bolyp taǵaıyndaldy.

Erjan Qalymbaıuly – QR Jýrnalıster Odaǵynyń múshesi. Bilimi – joǵary, túrik, aǵylshyn tilderin biledi.

E.A.Bóketov atyndaǵy Qaraǵandy memlekettik ýnıversıtetin «jýrnalıstıka» mamandyǵy boıynsha úzdik bitirgen. Keıin atalǵan ýnıversıtette sol mamandyq boıynsha magıstratýra oqyǵan. Qaraǵandy «Femıda» zań akademııasynda «zańger» mamandyǵy boıynsha bilim alǵan. Ystanbul (Túrkııa) ýnıversıtetiniń doktoranty.

Eńbek jolyn Qaraǵandy oblystyq «Ortalyq Qazaqstan» gazetinde qatardaǵy tilshilikten bastaǵan. Odan keıin «Qazaqstan RTRK» AQ Qaraǵandy oblystyq fılıaly jańalyqtar qyzmetinde redaktor ári baǵdarlama júrgizýshisi, «Aıqyn» respýblıkalyq qoǵamdyq-saıası gazetiniń astanadaǵy tilshisi, «Habar agenttigi» AQ jańalyqtar men aqparattyq baǵdarlamalar dıreksııasynyń tilshisi, «Qazaqstan RTRK» AQ aqparattyq-saraptamalyq baǵdarlamalar dıreksııasynyń tilshisi, «Jebe» respýblıkalyq qoǵamdyq-saıası gazetiniń Túrkııadaǵy tilshisi, Halyqaralyq Túrki akademııasynyń baspasóz-hatshysy, «Qazaq radiosy» «Bizdiń paıym» analıtıkalyq-saraptamalyq baǵdarlamasynyń júrgizýshisi, «ULYS» halyqaralyq dıdjıtal jýrnaly men ulys.kz aqparat-saraptama saıtynyń negizin qalaýshy ári bas redaktory bolyp qyzmet etken.

Sońǵy jumysy – «Qazaqstan RTRK» AQ «Apta» aqparattyq-saraptamalyq baǵdarlamasynyń redaktor-analıtıgi.

Túrkııadaǵy qazaq jastarynyń «Sana» ıntellektýaldyq klýbynyń (2011-2013) jetekshisi. AQSh-tyń IVLP (The International Visitor Leadership Program) baǵdarlamasynyń túlegi. Túrkııa, Fransııa jáne Qyrǵyzstan elderinde jýrnalıstıkaǵa qatysty arnaıy kýrstar oqyǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir