19 Naýryz, 2020 NEWS

Almaty oblysynan taǵy jarylǵysh zat tabyldy

Almaty oblysy Ile aýdandyq polısııa basqarmasynda jarylǵysh qurylǵylardy tasymaldaý men saqtaýdyń eki deregi tirkeldi. Tipti metall terip júrgen eki jigit tankiniń 4 snarıadyn da taýyp alǵan.

Foto: inform.kz

Bul týraly Qamshy.kz aqparat agenttigi QazAqparat deregin negizge alp habarlaıdy.

«Alǵashqy jaǵdaıda, Qarasaı aýdanynda turatyn 22 jáne 23 jastaǵy eki azamat metall synyqtaryn jınaýmen aınalysý kezinde 125 mm kalıbrli 4 artıllerııalyq tank snarıadyn taýyp alǵan. Aıta ketetin jaıt, bireýi jarǵysh zatymen birge bolǵan, al ekinshisiniki oǵan qaýip tóndiretin jaqyn jerde ornalasqan. Olar jarylǵash zattardy «Toıota kamrı« markaly avtokóliginiń artqy oryndyqtarynda tasymaldaǵan jáne «Búrkit – 402« ekıpajynyń polıseıleri olardy dál sol orynnan tapqan. Ekinshi jaǵdaıda, polısııa qyzmetkerleri jalpy sany 160 birlikten asatyn jarylǵysh qurylǵylardy Ile aýdanyndaǵy aýyldardyń metall qabyldaý pýnktiniń biriniń aýmaǵynan taýyp, tárkiledi. 49 jáne 35 jastaǵy eki metall qabyldaýshy basshylarynyń ruqsatynsyz jarylys qaýpi bar zattardy qabyldaǵan. Tárkilengen zattardyń qatarynda avıasııalyq raketalardyń jarylmaǵan fragmentteri, mınomet snarıadtary, jarǵyshtar, kassetalyq-jaryqtandyrý, artıllerııalyq snarıadtar men brondy avıasııalyq bombalardyń fragmentteri bar», - dedi Almaty oblysy Ile aýdandyq polısııa basqarmasynyń bastyǵy Marat Kúshtibaev.

Atalǵan derek boıynsha QR QK 287-baby 1-bóligi boıynsha sotqa deıingi tergeý amaldary bastalǵan. Kúdiktiler mekenjaıyn ózgertpeý týraly qolhatpen bosatyldy.

«Jaqynda Qapshaǵaı qalasynda metall qabyldaý pýnktinde dál osyndaı zattardyń jarylýy saldarynan qaıǵyly jaǵdaı bolyp, jas jigit qaza tapty. Polıseıler kóptegen adamnyń ómirin qutqaryp qaldy deýge bolady. Jarylǵysh zattardyń kez kelgeniniń jarylý qaýpi bar jáne ol tizbekti reaksııa týdyryp, zańsyz saqtalǵan arsenaldyń jalpy jarylysyna ákelýi múmkin edi»,- deıdi polkovnık Kúshtibaev.



"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir