17 Naýryz, 2020 NEWS
almaty.tv
Almaty qalalyq qoǵamdyq densaýlyq basqarmasynyń jetekshisi Tileýhan Ábildaevtyń málimdeýinshe, Almatyda búgin 7 adamnan qaýipti vırýs tabyldy. Onyń ishinde koronavırýs ınfeksııasyn juqtyrǵan 2 jasar búldirshin de bar. Ol Kýrshevel – Berlın – Almaty charterlik reısimen ushyp kelgen. 13 naýryzda karantınge jatqyzylǵan 12 adamnyń biri eken. Bul týraly 24.kz habarlady.
Almatyda koronavırýspen aýrýhanaǵa túskenderdiń sany 15 adamǵa jetti. Ekeýi buǵan deıin koronavırýsy rastalǵan adammen baılanysta bolǵandar. Olar da karantınde jatqan eken. Barlyq naýqastyń jaǵdaıy qanaǵattanarlyq. Jalpy Almatyda 729 adam stasıonarlyq, al 760 adam úı karantıninde jatyr. Al, keshe 1986 jyly týǵan Stambýl – Almaty reısimen kelgen qyzdan koronavırýs ınfeksııasy anyqtalǵan edi. Qalanyń Bas dárigeri ol qyzdyń nelikten karantınge ornalastyrylmaǵanyn túsindirdi.
– Bul qyz eshbir sanatqa kirmeıtin elden ushyp kelgendikten, úıdegi karantınge ornalastyrylmaǵan. Keshe onyń zerthanalyq taldaýlary rastaldy. Osylaısha, ol qalanyń ınfeksııalyq stasıonaryna emdeýge jatqyzyldy. Búginde onymen qatynasta bolǵan barlyq adamdar tabylyp provızorlyq stasıonarǵa karantınge ornalastyryldy, – dedi Ábildaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir