16 Naýryz, 2020 NEWS

"Qabyrǵa qaıystyratyn jaǵdaı": Májilis depýtaty bar shyndyqty aıtty

Iá, "qasqyrdan keıingi et jeýden ekinshi oryndamyz" dep maqtanatyn qazaqtyń maldan kóńili qalyp turǵanǵa uqsaıdy. Buny depýtat, tipti "qabyrǵa qaıystyratyn jaǵdaı" dep málimdegen.

Foto: ashyq aqparat kózderinen

Bul týraly Úkimet saǵatynda Májilis depýtaty Saýytbek Abdrahmanov kóterdi, dep habarlaıdy Qamshy.kz aqparat agenttigi. 

Depýtattyń aıtýynsha, Keńes armııasynyń shırek bóligine jýyǵyn etpen qamtamasyz etken Qazaqstan qazir syrttan et satyp alatyn memleketke aınalyp otyr.

– Bul – qabyrǵa qaıystyratyn jaǵdaı. Faktiniń aty fakt. Keńes armııasynyń shırek bóligine jýyǵyn etpen qamtamasyz etken Qazaqstan qazir syrttan et satyp alatyn memleketke aınaldy. Qazir elde azyq-túlik daıyndaýda jeke sektordyń úlesi tıimdi paıdalanylyp otyrǵan joq, – dedi ol.

Ol – ol ma, Saýytbek Abdrahmanov qazaqtyń baqtym degen maly toıy men iship-jeminen artylmaıtynyn, tipti atalǵan sharýashylyq túrindegi bar motıvasııasy da sol tóńirekte shekteletinin aıtyp qynjylǵan.

– Aýyldaǵy azamattardyń mal ósirýge degen motıvasııasy tómendep ketti. Birinshi motıvasııa – kúndelikti iship-jem, ekinshi motıvasııa – toıǵa mal jınaý. Úshinshi motıvasııa– qonaq kútý. Odan artylatyn maldyń aýyl adamyna qajeti shamaly bolyp tur. О́ıtkeni, ol maldy naryqqa qosyp, aqshaǵa aınaldyra almaıdy. Aýdan ortalyqtarynyń janynda turǵan adamdar bolmasa, 100-200 km qashyqtyqta turatyndardyń maldy qalaǵa ákep ótkizetin múmkindigi joq, – dedi májilis depýtaty.

 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir