Turǵyndar aldynda esep bergen Shyǵys Qazaqstan oblysy basshysy Danıal Ahmetov búginde óńirdiń 40 paıyzǵa jýyq halqy turyp jatqan aýyl-aımaq turǵyndarynyń turmys-tirshiligin jaqsartýǵa erekshe nazar bólinip otyrǵanyn atap ótti.

О́tken jyly «Aýyl – el besigi» jobasy aıasynda Glýbokoe, Kókpekti, Kúrshim jáne Úrjar sııaqty 4 tirek aýylda jalpy somasy 3,5 mlrd. teńgege jýyq 8 joba iske asyryldy. Atalmysh jobalar sheńberinde eldi mekenderdegi kóshelerge ortasha jóndeý júrgizilip, 3 dene shynyqtyrý – saýyqtyrý kesheni (Kókpekti, Kúrshim, Úrjar) men 1 Mádenıet úıiniń (Glýbokoe kenti) irgetasy qalandy.

2020 jyly 20 eldi mekende quny 7,2 mlrd. teńgelik 54 jobany iske asyrý kózdelip otyr. Oblystyń 116 tirek aýyly arnaıy jobaǵa enip, memlekettik qoldaýǵa ıe bolady.

Budan bólek, Kúrshim, Katonqaraǵaı, Zaısan, Tarbaǵataı jáne Úrjar sııaqty shekaralyq aýdandardy 2020-2024 jyldarǵa arnalǵan damytý jospary bekitildi. 5 jyl ishinde bul maqsatqa túrli kózderden 207 mlrd teńge jumsaý kózdelip otyr. Investısııalar kásipkerlik pen týrızmdi, agroónerkásiptik keshendi, turǵyn úı qurylysy men ınjenerlik-kommýnıkasııalyq ınfraqurylymdy, kólik ınfraqurylymyn, áleýmettik salany damytýǵa jumsalmaq.

Jobalardy iske asyrý nátıjesinde jańadan jumys oryndary ashylady. Atalǵan aýdandardaǵy aýyl turǵyndarynyń ortalyqtandyrylǵan aýyzsýǵa degen qoljetimdiligi 94 paıyzǵa kóterilip, jaqsy jáne qanaǵattanarlyq deńgeıdegi joldar kórsetkishi 86 paıyzǵa jetedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir