Jeti jyl bas bostandyǵyn shekteý: qyz alyp qashqan tórt jigitke sot úkimi shyqty

Degenmen Sarqan qalasynan qalyńdyqty alyp qashý barysynda qyz ben úılenýshi jigittiń arasynda eshqandaı sóz baılasýdyń joq ekeni belgili bolady. Shańyraq kóterýge asyqqan dostarynyń qalyńdyǵyn jetkizip berip, dostary óz úılerine ketedi. Erkinen tys ákelgen qalyńdyqty jergilikti ýchaskelik polısııa ınspektory qutqaryp, úıine aman-esen jetkizgen.

- Sarqan aýdanynyń polısııasyna erkinen tys adam urlaý deregi boıynsha habar tústi. Aıtqan ýájderin tyńdamaǵan jigitterdiń jibermeıtinin túsingen qalyńdyq amalyn taýyp, ishki ister organdaryna habar beredi. Zardap shegýshi tarapynan polısııaǵa aryz tústi. Derek boıynsha QR Qylmystyq kodeksiniń 125-babyna sáıkes is qozǵalyp, qylmystyń mán-jaıy anyqtaldy, - dep habarlady Almaty oblystyq polısııa departamenti baspasóz qyzmeti.

Sarqan aýdanynyń soty súıiktisin alyp qashqan áreketi sátsiz shyqqan 22 jastaǵy turǵyn men onyń zańsyz áreketine qoldaý bergen úsh dosyn qylmys jasaǵandyǵy úshin kináli dep tanyp, jeti jyl bas bostandyǵyn shekteý jazasyna kesti. Sot sheshimi zańdy kúshine endi.