Bul jóninde ırandyq áskerıler málim etti. "Ýkraına halyqaralyq avıajelisiniń" Boıng ushaǵyna Iran-AQSh teketiresi órship turǵan shaqta áskerı operasııalar júrip jatqan jerden ushyp bara jatqanda shabýyldaǵan. Áskerıler ony AQSh nysany eken dep qalǵan, dep jazady Qamshy.kz aqparat agenttigi bbc taratqan aqparatqa súıenip.
bbc.com
Iran qarýshy kúshteri bas shtaby apat adamı faktor sebebinen bolǵanyn, kináliler jaýapqa tartylatynyn habarlady.
Týıtterde jazba qaldyrǵan Irannyń Syrtqy ister mınıstri Mohammad Djavad Zarıf te apattyń AQSh-tyń avantıýrıstik árketinen týǵan saıası shıelenis kezinde adam qateliginiń kesirinen bolǵanyn jazdy.
Iran basshtabynyń habarlaýynsha, Irannyń AQSh áskerı bazalaryna jasaǵan shabýylynan birneshe saǵattan keıin amerıkalyq áskerı ushaqtardyń ushýy jıilegen. Bul áýe kúshteri arasyndaǵy qaterdi arttyra túsip, áskerılerdiń sezimtaldyǵyna soqtyrǵan.
Ýkraınalyq laıner 8 qańtarda apatqa ushyraǵan bolatyn. Apattan ushaq ishinde bolǵan 167 jolaýshy, 9 ekıpaj múshesiniń bári qaza tapqan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir