Ushaq apaty sebebiniń úsh nusqasy ataldy

Ishki ister mınıstri Erlan Turǵymbaev Bek Air áýekompanııasy ushaǵynyń apatqa ushyraý sebepteri týraly aıtty, dep jazady Qamshy.kz aqparat agenttigi tengrinews.kz saıtynyń deregin negizge alyp.

IIM-niń tergeý toby Almatyda bolǵan áýeapatyn tergep jatyr. Qazirgi tańda úsh nusqa qaralýda. Birinshi: ekıpaj qateligi. Ekinshi: ushaqtaǵy tehnıkalyq aqaý. Úshinshi: navıgasııalyq qyzmet jumysy, dedi vedomstvo basshysy úkimet otyrysy kezinde tilshilerge.

Búginde apat orny tekserilip, áýe kemesin bólshekteý jumystary júrip jatyr. Ushaq áýejaı aýmaǵyna jetkizilip, sol jerde muqııat tekserilmek.