Ot jaǵýshylar jalaqysy 3 esege artty

Tómengi jalaqy alatyn ot jaǵýshylardyń (kochegar) jalaqysy jeltoqsan aıynan bastap úsh ese ósti dep jazady Qamshy.kz aqparat agenttigi. Mektepte ot jaǵýshy bolyp isteıtinderdiń kartochkasyna jeltoqsan aıynda úsh eselengen jalaqy túsken. Bilim oshaqtarynyń jylýyna jaýapty jandar mundaı tosyn syıǵa dán rıza.

Shý aýdany Kóktóbe aýylyndaǵy Jambyl orta mektebiniń  ot jaǵýshysy Muhamed Shaımerdenovtyń jalaqasy kúrt óskenine ózi de tańyrqaı qaraǵan.
Onyń aıtýynsha, 3 kúnde bir ret qana jumys isteıdi. Buryn aıyna 39 myń, keıde 42 myń teńge jalaqy alyp kelgen. Jeltoqsan aıynda onyń kartochkasyna 105 myń teńge túsken. Úsh eselengen jalaqy onyń ózge áriptesterine de túsipti.

Eske sala ketsek, jazda tehnıkalyq personaldyń jáne ózge sala jumysshylarynyń jalaqysyn 30%-ǵa ósirgen-di. Olardyń qatarynda, kitaphanashylar, ormanshylar, áleýmettik jumyskerler, aýla sypyrýshylar jáne de basqa tehnıkalyq personaldar bar.

Samal Qojamjarova