20 Jeltoqsan, 2019 NEWS

Darıǵa Nazarbaeva: Básekeden qoryqpaý qajet

sputniknews.kz

Senat tóraıymy Darıǵa Nazarbaeva otandyq bankterdiń problemasyn kóterdi, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizge alyp. 

Senattyń búgingi otyrysynda depýtattar "Eýrazııalyq ekonomıkalyq odaqqa múshe memleketterdiń qarjy naryǵy salasyndaǵy zańnamasyn úılestirý týraly kelisimdi ratıfıkasııalaý týraly" zań jobasyn maquldady. Osy oraıda keıbir senatorlar ortaq qarjy naryǵynda otandyq bankterdiń qıyndyqqa tap bolatynyn jetkizdi. Sebebi elimizdiń qarjy uıymdary áli kúnge deıin memlekettiń kómegine zárý. Al reseılik jáne halyqaralyq qarjy uıymdary tehnıkalyq jaǵynan myqty jáne zamanaýı qarjy quraldaryn qoldanyp keledi. Ondaı básekege tótep berý ońaı emes. 

Senat tóraıymy Darıǵa Nazarbaeva óz áriptesteriniń pikirine qosyldy. Biraq báseke bolmasa, otandyq bankter men nesıe uıymdary ózgeriske umtylmaıdy. 

"Jalpy, básekeden qoryqpaý qajet. Búginde "sheteldik bankter kelip, otandyq bankterdi basyp alady" degen áńgime óz bankterimizden shyǵyp otyr. Sebebi olar óz pozısııalaryn joǵaltyp alamyz dep qorqady. Biraq búginde qarjy salasynda problema bar. Arzan aqsha alýǵa múmkindik joq. Sonyń saldarynan shaǵyn jáne orta bıznes tunshyǵyp jatyr. Al bizdiń bankter ol mindetti sheshýge qaýqarsyz", - dedi Nazarbaeva.

Onyń aıtýynsha, otandyq bankter basqa qarjy uıymdarymen básekege tússe, óz sharttaryn ózgertýge májbúr bolady. Bul – naryq zamanynyń talaby.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir