Jastardy jat aǵymdardan saqtandyrdy

Almaty Sán jáne dızaın kolledjinde dástúrli ánshi, ónertanýshy Erlan Tóleýtaı men stýdentter arasynda kezdesý ótti. Jastardy teris aǵymdardan saqtandyrý maqsatynda «Dástúr men din» taqyrybynda ótken kezdesýde dinniń atyn jamylyp, túzý joldan taıǵan dindarlar týraly sóz boldy.

«Men qansha jyldan beri dástúrli óner salasynda júrgen azamatpyn. Qazaqtyń tól ónerine dál radıkaldy ıslamıster sııaqty shabýyl jasaǵan adam kórmedim. Olardyń sózine sensek, bári sherik, bári bıdǵat. Tipti keıbireýleri dombyrany shaıtannyń dańǵyrlaǵy dep te atady. Sizder qazir jassyzdar. Adamdar kóbinde jas kezinde adasady. Sondyqtan qaýipti dindarlardyń sońynan erip, aıtqanyna ılanbańyzdar. Barlyq ýaqyttaryńyzdy bilim alýǵa jumsańyzdar, – degen E.Tóleýtaı, – Olar sizderdi o dúnıemen, tozaqpen, azappen qorqytady. Qudaı olar aıtqandaı meıirimsiz, qatygez dep oılamaımyn. Qudaıǵa qulshylyq jasap, adamdarǵa opasyzdyq jasasań, qulshylyǵyńnan ne paıda?», – dep sózin jalǵady.

Al, Abaı atyndaǵy Qazaq ulttyq pedagogıkalyq ýnıversıtetinde tanymal aqyn, Halyqaralyq "Alash" ádebı syılyǵynyń ıegeri, Qazaqstan Jazýshylar Odaǵy tóraǵasynyń orynbasary Baqyt Bedelhanmen kezdesý ótti. Bul kezdesý de “Dástúr men din" taqyrybynda órbidi. Stýdentterge qazirgi qazaq qoǵamyndaǵy dástúrdiń baǵzydan kele jatqan sabaqtastyǵy, balabaqshadan bastalatyn tárbıeniń adam ómirine qanshalyqty áser etetini jónindegi aqynnyń kesek-kesek teńeýleri men ushqyr oılaryna aýdıtorııa ystyq shapalaqpen rızashylyǵyn bildirip otyrdy. Suraq-jaýap túrinde ótken kezdesýde bolashaq ustazdar qazirgi qoǵam men ádebıet, din men dástúr jóninde mol maǵlumat aldy.

«Ádebıet adamdy tárbıeleıdi. Álemniń eń iri tulǵalary men saıasatkerleri arasynda ádebıetsúıerler óte kóp. Qazaq ádebıeti taqyr jerde paıda bolǵan joq. Onyń qaınary salt-dástúrden, epos-qıssalardan, ertegi, maqal-mátelderden bastaý alady. Al búgingi bezbúırek jat aǵymdar qazaqtyń osy sabaqtastyǵyn múldem joıǵysy keledi», dedi aqyn.

О́zi de osy oqý ordasynda bilim alǵan aqyn kesh sońynda ustazdar men stýdentterdiń ótinishi boıynsha óleńderin oqyp berdi. Áserli ótken kezdesýdiń sońynda ustazdar osyndaı sharalar jıi ótip tursa degen tilegin aıtty.

Aıta keteıik, atalǵan eki is-sharany da Almaty qalasy Qoǵamdyq damý basqarmasynyń qoldaýymen «Adyrna» ulttyq-etnografııalyq birlestigi ótkizdi.

J.Amanova