Tilek Yrysbek: Olardyń Tazabekter men Bekbolattardan esh aıyrmashylyǵy joq

Bul týraly ádebıettanýshy  Tilek Yrysbek óziniń «Feısbýk» jelisi paraqshasynda jazdy dep habarlaıdy «Qamshy.kz» aqparat agentigi.  

Mundaı topty «ádebı parazıtter» dep baǵalaǵan ádebıettanýshy óziniń bulaı ataýyna olardyń qoǵamdaǵy biteý jaraǵa aınalyp bara jatqan túrli prosesterge degen nemkettiligi sebep bolǵanyn aıtady.

"Eń qaýipti adam ol – nemquraıly adam. Avtorıtarlyq bılikke qurylǵan júıe túptiń túbinde kúırep tynary anyq. Oǵan rýhanııattyń da tıgizer áseri bólekshe. Fransýz, ıspan, nemis, tipti Latyn Amerıka ádebıeti oǵan anyq mysal. Al, osy turǵyda múıizi qaraǵaıdaı qazaq aqyn-jazýshylary únsiz jáne marapat súıgish. Tipti áleýmettik jelide ashyq pikir bildirýge qulyq bildire almaıtyn olardy qorqaq dep túsinýge bolmas, biraq, bılikke jaǵympaz deýge tolyq negiz bar. Osy turǵyda olardy Tazabekter men Bekbolattardan esh aıyrmashylyǵy joq múddelesteri jáne jaqtastary dep baǵamdaımyn.  Olardyń kókeıin tesken ortaq múdde – aqsha, marapat, qyzmet, músháıra hám memlekettik syılyq", – deıdi Tilek Yrysbek.

Sonymen birge, pikir ıesi eki tarapqa da jaǵymdy bolyp kórinýdiń amaly osy  – «únsiz qalý» tájirıbesi ekenin aıtady. Sonyń aıqyn kórinisi  – keshegi Jańaózen oqıǵasyna jaq ashpaý, ádildik surap alańǵa shyqqan óz qazaǵyn «búlikshi» dep aıyptaý, saılaýdyń ádiletti ótý-ótpeýine «túkirý», búginde bolyp jatqan túrli azamattyq narazylyqtarǵa nemquraılyq tanytý, eshbir ózgeriske nıet etpeý taǵysyn taǵylar deıdi. 

Sondaı-aq, ol aýdarma isindegi kózsizdikke qatysty da óz pikirin ashyq jetkizgen.

"О́zimizdegi aýdarma salasynyń múgedektigine qaramastan álem tilderine aýdarylyp, aqsha berip tanymal bolý. Marsel Prýst, Djeıms Djoıs, Frans Kafka, Dostaevskıı, Marıo Vargas Losa, Borhes, Semıýel Beket, Jan Pol Sartr, Alber Kamıý jáne t.b avtorlardy túpnusqadan tolyq aýdarmaı jatyp álemge qulash sermeý. Bul Don Kıhottyq! Basqa aıtarym joq!" – deıdi T. Yrysbek.