• USD 389.52
  • EUR 429.21
  • RUB 6.07
  • CNY 54.94
30 Qańtar, 04:06:06
Qazaqstan Ýkraınanyń saýda naryǵyna alańdaýly

06 Jeltoqsan, 2019 Barlyq aımaqtar

О́geı ulyn uryp óltirgen almatylyq: Shyn júrekten keshirim suraımyn!

О́geı áke sotta sábıdi ne sebepti uryp-soqqanyn aıtyp berdi Almatyda ógeı ulyn uryp óltirgen kúdikti kinásin moıyndady. Sot aldynda jaýap berip jatqan Jeńis Qurmanǵazın eki jasar sábıdi ne sebepti uryp-soqqanyn aıtyp berdi. Jazasyn barynsha jeńildetýge tyrysqan ógeı áke isine ókinetinin jetkizip, náresteniń anasynan jalbarynyp keshirim de surady dep jazady Qamshy.kz aqparat agenttigi KTK arnasynyń deregin negizge alyp.

- Áselden keshirim suraımyn. Keshire alatyn bolsań, keshir, Ásel! Shyn júrekten, keshirim suraımyn,- dedi marqumnyń ógeı ákesi.

Aıtýynsha, sol kúni 8 lıtr syra ishken. Sol sebepti de, ózimdi ustaı almadym dedi sotta alǵash ret sóz alǵan sottalýshy. Al sábı oǵan «kóter» dep jylaǵan eken. Balanyń erkeligin kótere almaǵan Jeńis Qurmanǵazın ony basynan uryp esinen tandyrǵan. Syraǵa sylqııa toıǵan jigit sonda da toqtamaı, es-tússiz sábıdi jerge jatqyzyp qoıyp, tepkilepti. Jaýyzdyǵymen eldiń jaǵasyn ustatqan ógeı áke isine ókinetinin aıtyp, sýdıadan da jazasyn jeńildetýdi surady.

Esterińizge salsaq, jantúrshigerlik oqıǵa qyrkúıekte bolǵan. Anasy jumysqa ketip, 2 balamen úıde qalǵan kúdikti, bireýin ólimshi etip urǵan. Aýyr soqqydan aýrýhanaǵa túsken sábı kóp uzamaı kóz jumdy.      

– Kishkentaıym ony qatty jaqsy kóretin. Janyna jatyp alatyn. Túngi saǵat úshte kelse de, ulym uıyqtamaı kútip otyratyn. Qazir ókinemin, buǵan senip, ómirimdi tastalqan etti. Ana retinde men ony keshirmeımin!, - dedi marqumnyń anasy Ásel Teńizbaeva.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir