Jambylda Tuńǵysh Prezıdent kúnine oraı áleýmettik nysandar paıdalanýǵa berildi

Jambyl oblysynda Qazaqstan Respýblıkasy Tuńǵysh Prezıdenti kúni qaıyrymdylyq sharalary ótkizilip, birqatar áleýmettik nysandar paıdalanýǵa berildi

Tuńǵysh Prezıdent kúnine oraı aýdandar men Taraz qalasynda qaıyrylym aksııalar uıymdastyryldy.
Qaıyrymdylyq sharaǵa oblys basshylyǵy, qala, aýdan ákimderi bastaǵan mekeme basshylary, iri kásiporyn basshylary, kásipkerler oblystaǵy turmysy tómen, tabysy az, kópbalaly jáne tolyq emes otbasylarǵa, jalpy 1281 otbasyna azyq-túlik sebetterin, kómir, qysqy kıimder, jalpy turmysqa qajetti zattardy tabys etti.

Máselen, Taraz qalasynda 83 otbasyna kómek kórsetti.
(Taraz qalasy – 83, Baızaq aýdanynda – 110, Jambyl aýdanynda – 133, Jýaly aýdanynda – 116, Qordaı aýdanynda – 228, Merki aýdanynda – 117, Moıynqum aýdanynda – 141, Talas aýdanynda – 93, T.Rysqulov aýdanynda – 62, Sarysý aýdanynda – 101, Shý aýdanynda – 97 otbasy).

Sonymen qatar, mereke qarsańynda oblysta 28 nysan el ıgiligine berildi. Atap aıtqanda, 1 front ofıs, 22 medısınalyq pýnkt, 2 balabaqsha ashylyp, 3 ınjenerlik júıesi iske qosyldy.

- 28 qarashada Taraz qalasynda "Zhambyl Invest" front-ofısy, Baızaq aýdanynda Keńes, Botamoınaq, Bagara, Jańasaz aýyldarynda medısınalyq pýnkteri berildi.

- 29 qarashada Jýaly aýdanynda T.Dúısebaıuly, Qosbóltek, Qarasý, Maıbulaq, Aqtasty aýyldarynda medısınalyq pýnkter, Qordaı aýdany, Qordaı aýylyndaǵy 75 oryndyq «Kórkem Qordaı», Qyzylsaı aýylynda 50 oryndyq «Tilashar 2» jeke menshik balabaqshalary, Báıterek, Qyzylsaı aýyldarynda medısınalyq pýnkter, Merki aýdanynda Taldybulaq, Qazaqdıhan, Sypataı batyr, Aqqaınar, Teskentoǵan aýyldarynda medısınalyq pýnkter paıdalanýǵa berildi.

- 30 qarashada Jýaly aýdanynda Teris, Qosbóltek, Nurlykent aýyldarynda jańa turǵyn alqabynyń ınjenerlik júıesi iske qosyldy.

- 1 jeltoqsanda Qordaı aýdanynda Qalǵuty, Muzbel, Kenen aýyldarynda medısınalyq pýnkter, Merki aýdanynda Altynaryq, Qarasý, Qaıyńdysaı aýyldarynda medısınalyq pýnkter paıdalanýǵa berildi.

Merekege oraı oblysta 102 mádenı-kópshilik shara uıymdastyryldy.