• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:54:25
Qazaqstan Ýkraınanyń saýda naryǵyna alańdaýly

26 Qarasha, 2019 Barlyq aımaqtar

Qazaq óneriniń abyz anasy ómirden ótti

Ol Stalınniń qolynan "Eńbek Qyzyl Tý" ordenin alǵan.

Búgin 103 jasqa qaraǵan shaǵynda kórnekti teatr jáne kıno aktrısasy, sańlaq saxnager, Qazaqstannyń Halyq artısi , "Parasat", "Qurmet belgisi", "Uly Otan soǵysynyń ardageri" ordenderiniń ıegeri AIShA ABDÝLLINA ómirden ótti", - dep habarlaıdy Q.Qýanyshbaev atyndaǵy Qazaq memlekettik akademııalyq mýzykalyq drama teatrynyń dırektory, Qazaqstan Teatrlar assosıasııasynyń vıse-prezıdenti Ashat MAEMIROV.

Kórnekti sahna sheberi A.Abdýllına 1916 jyly Almaty qalasynda dúnıege kelgen Aısha apa,  1935 jyly Qazaq memlekettik drama teatry janyndaǵy 2 jyldyq stýdııany aıaqtaıdy. Qazaq óneriniń qara shańyraǵy M.Áýezov atyndaǵy akademııalyq drama teatrynda shyǵarmashylyq eńbek jolyn bastaıdy. 1936 jyly Máskeýde ótken Qazaq óneri men mádenıetiniń on kúndiginde Jambyldaı jyr alyby, Kúlásh Báıseıitova, Q.Jandarbekovterdiń janynda birge óner kórsetedi. Dekada qorytyndysy boıynsha I.V.Stalınniń qolynan "Eńbek Qyzyl Tý" ordenin alady. Qazaq teatr óneriniń tarıhynda Aısha apa tuńǵysh ret Dezdomana beınesin somdady. Keıin Shymkent qalasyna qonys aýdaryp J.Shanın atyndaǵy akademııalyq teatrynda 65 jyl boıy úzilissiz aktrısa bolyp qyzmet etti. Oryndaýshylyq dıapazony keń aktrısa ulttyq dramatýrgııa ben álemdik klassıkanyń jaýharlarynda bir-birine uqsamaıtyn  100-den asa saxnalyq beınelerdi somdap, áıelder beınesiniń tolyqqandy galereıasyn jasady. Solardyń ishindegi Aısha Abdýllına apamyzdyń ónerdegi boıtumary - Eńlik, Qyzjibek, Dezdemona beıneleri edi. О́ner áleminde qol jetkizgen jetistikteri men eren eńbegi, shyǵarmashylyq joly - jas býyn úshin jarqyn úlgi bola bilgen Aısha Abdýlınnanyń  bir ǵasyrlyq mereıtoıy -Astanamyzda, Almaty men Shymkent qalalarynda saltanatty jaǵdaıda atap ótilip, Aısha apa halqyna aq batasyn berip, án men jyrdan shashý shashty. Uzaq jylǵy óner men mádenıet salasyna sińirgen eńbegi úshin QR Tuńǵysh Prezıdenti - Elbasynyń memlekettik stıpendııasyna ıe boldy. "Ońtústik Qazaqstan oblysynyń qurmetti azamaty" ataǵyna ıe boldy. Qazaq teatr óneriniń tarıhynda eń uzaq jasaǵan aktrısa  Aısha apayzdyń aq batasyn alǵan, talaı syrdas, dastarhandas bolǵan ónerdegi jaqsy kórgen balalarynyń biri bolǵanyma rızamyn.  Aısha Abdýllınanyń urpaǵyna, týma-týysqandary, áriptesterine qaıǵyryp kóńil aıtamyn. Aısha apamyzdyń ónerdegi adaldyq pen tazalyqty tý etken jarqyn beınesi, adamı kelbeti - júregimizde saqtalady.

Imanyń joldas bolǵaı, AIShA APA! Marqummen qoshtasý rásimi Almaty qalasynda 28 qarasha kúni, saǵat 09.00-de M.Áýezov teatrynda ótedi.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir