Jas otbasylarǵa arnalǵan páterlerge qujat qabyldanady

Erteń, ıaǵnı 27 qarashada Almaty qalasy Turǵyn úı saıasaty basqarmasy «Jas otbasylarǵa arnalǵan turǵyn úı» baǵyty boıynsha «Qazaqstannyń turǵyn úı qurylys jınaq banki» AQ jelisi aıasynda «Elektrondyq úkimet» veb-portaly (www.e-gov.kz) arqyly ótinishter men qujattar qabyldaıdy, dep jazady basqarmanyń resmı  saıty.

Veb-portal arqyly qujattardy ótkizý úshin «Halyqqa qyzmet kórsetý ortalyǵy» Departamentinde  (HQKO) elektrondy sandyq qoltańbany (ESQ) alý qajet.

Almaty qalasynyń Alataý aýdanyndaǵy «Saıaly» shaǵynaýdanynda satyp alý múmkindigi bar jalǵa beriletin 6 páterlerdi iske asyrý josparlanýda (bir bólmeli – 4, úsh bólmeli – 2).

Bir sharshy metrdi satyp alýdyń baǵasy 120 000 teńgeni quraıdy.

Jas otbasylarǵa arnalǵan turǵyn úıdi alýǵa eki jyl nekede turǵan, jubaılardyń ekeýiniń de jasy 29-dan aspaǵan (Baǵdarlamaǵa qatysýǵa ótinish berý sátinde) jas otbasy, sondaı-aq balalarynyń (balasy) jasy 29-ǵa tolmaǵan, onyń ishinde ajyrasqan, jesir/tul qalǵan, ata-ananyń bireýi ǵana tárbıelep otyrǵan tolyq emes otbasylar úmitkerler bola alady.

Baǵdarlamaǵa Almaty qalasynda turaqty tirkeýde turǵan, basynda úıi joq azamattar qatysa alady.

Úmitkerler balldyq esepteý arqyly irikteledi. Birinshi bala úshin – 20 ball, ekinshi jáne keıingi árbir bala úshin 30 ball, múgedek nemese Qazaqstan Respýblıkasynyń Úkimeti bekitken tizbege sáıkes keıbir sozylmaly aýrýlardyń aýyr túrlerimen aýyratyn otbasynyń árbir múshesi úshin – 10 ball, jetim balalar jáne kámeletke tolǵanǵa deıin ata-analarynan aıyrylǵan, ata-anasynyń qamqorlyǵynsyz qalǵan jıyrma toǵyz jasqa tolmaǵan balalar sanatyna jatatyn erli-zaıyptylardyń árqaısysy úshin – 10 ball beriledi.

Baǵdarlamanyń pýlyna qosý kezektiligi jınaǵan baldyń sanymen aıqyndalady. Ball teń bolǵan kezde ótinish berýshi jubaıynyń bireýi memlekettik qyzmetshige ne bıýdjettik uıymdardyń jáne bilim berý, densaýlyq saqtaý, mádenıet, sport jáne halyqty áleýmettik qorǵaý salasyndaǵy memlekettik kásiporyndardyń qyzmetkerlerine jatatyn otbasy basymdyqqa ıe bolady.

Turǵyn úıin alýǵa úmitkerler mynadaı qujattardy usynýy qajet:

1. belgili bir páter túrine arnalǵan ótinish (budan ári – ótinish);

2. ótinish berýshi men onyń otbasy músheleriniń jeke basyn kýálandyratyn qujat;

3. ótinish berýshini jáne onymen turaqty birge turatyn otbasy múshelerin turǵylyqty jeri boıynsha tirkeý týraly mekenjaı anyqtamasy;

4. neke qııý/nekeni buzý, jubaıynyń/zaıybynyń qaıtys bolýy, balalardyń týý týraly kýálikteri, ótinish berýshiniń nekede turmaıtyndyǵy týraly notarıat kýálandyrǵan ótinish;

5. ótinish berýshiniń jáne onymen turaqty birge turatyn otbasy músheleriniń Qazaqstan Respýblıkasynyń aýmaǵy boıynsha menshik quqyǵyndaǵy úıiniń nemese satyp alý múmkindigimen beriletin turǵyn úıiniń bar nemese joq ekeni týraly anyqtama;

6. jyljymaıtyn múlikke tirkelgen quqyqtar jáne onyń tehnıkalyq sıpattamalary (balshyqtan quıylǵan jáne qańqaly-qamysty turǵyn úıdegi, jataqhanadaǵy bólmede úlesi bolǵan kezde) týraly anyqtama, sondaı-aq atalǵan jaǵdaılarda menshik quqyǵynyń týyndaýyn rastaıtyn qujattar;

7. ótinish berýshiniń basqa adamdaryn otbasy músheleri retinde taný týraly sot sheshimi;

8. jalaqy týraly anyqtama;

9. kezektilik nómirin nemese biregeı nómirdi kórsete otyryp turǵyn úıge muqtaj (Baǵdarlamaǵa qatysýǵa ótinish bergen kezde) esebine qoıý týraly málimetter;

10. menshikti qarajat jáne (nemese) qaryz qarajaty esebinen turǵyn úıdi satyp alýǵa daıyn ekendigi týraly ótinish;

11. «Turǵyn úı qatynastary týraly» Zańynyń 67-babynda aıqyndalǵan sanattarǵa ótinish berýshiniń qatysyn rastaıtyn qujattar;

12. ótinish berýshiniń jáne/nemese ótinish berýshi jubaıynyń (zaıybynyń) memlekettik mekemelerde, bıýdjettik uıymdarda nemese bilim berý, densaýlyq saqtaý, mádenıet, sport jáne halyqty áleýmettik qorǵaý salasyndaǵy memlekettik kásiporyndarda qyzmetin júzege asyrǵan kezde jumys ornynan anyqtama;

13. otbasy múshesiniń múgedektigin nemese keıbir sozylmaly aýrýlardyń aýyr túrin rastaıtyn anyqtama;

14. ótinish bergen kúnge keminde sońǵy eki jáne odan kóp jyl Almaty nemese Astana qalalarynda turý faktisin rastaıtyn qujat;

15. ótinish berýshiniń nemese onyń jubaıynyń (zaıybynyń) «kámeletke tolǵanǵa deıin ata-analarynan aıyrylǵan, jıyrma toǵyz jasqa tolmaǵan jetim balalar men ata-anasynyń qamqorlyǵynsyz qalǵan jetim balalar men balalar» mártebesin rastaýyna arnalǵan qujattar;

16. Turǵyn úı qurylysynyń 2005 – 2007 jyldarǵa jáne Qazaqstan Respýblıkasynda turǵyn úı qurylysyn damytýdyń 2008 – 2010 jyldarǵa arnalǵan memlekettik baǵdarlamalary sheńberinde «jas otbasy» sanaty boıynsha ótinish beriletin oryn boıynsha qatysý týraly jáne belgilengen talaptarǵa sáıkes kelgen kezde salynǵan úıde turǵyn úı alýshylardyń tıisti tizimine engizilmegeni týraly málimetter;

17. turǵyn úıdi tehnıkalyq zerttep-qaraý jónindegi qorytyndy jáne tıisti JAO-nyń sheshimi.