• USD 389.52
  • EUR 429.21
  • RUB 6.07
  • CNY 54.94
22 Qańtar, 12:49:56
Qazaqstan Ýkraınanyń saýda naryǵyna alańdaýly

26 Qarasha, 2019 NEWS

"SON"-ǵa barýdyń qajeti joq. Memqyzmettiń 90 paıyzy ınternetpen júzege asyrylady

 

QR Premer-Mınıstri Asqar Mamınniń tóraǵalyǵymen ótken Úkimet otyrysynda «elektrondyq úkimetti» damytý jáne halyqtyń sıfrlyq saýattylyǵyn arttyrý máseleleri qaraldy. 

Memlekettik qyzmetter tizilimine 723 memlekettik qyzmet engizilgen, olardyń 580-i nemese 80% elektrondy formatta, «Azamattarǵa arnalǵan úkimet» memlekettik korporasııasy arqyly 648 qyzmet nemese qyzmetterdiń 89,6%-y usynylady. 143 qyzmet nemese 19,8%-y ázirge qaǵaz formatynda ǵana qoljetimdi. 182 memlekettik qyzmet boıynsha bıznes prosester ońtaılandyrylǵan, qujattardyń ortasha sany 30%-ǵa – 6-dan 4-ke, qyzmet kórsetýdiń ortasha merzimi 3 ese – 31-den 10 kúnge deıin qysqartylǵan. 2018 jylmen salystyrǵanda, kompozıttik memlekettik qyzmetterdiń sany 2 esege artqan.

2019 jyldyń 10 aıynyń qorytyndysy boıynsha «eGov» portalynda 10 mln astam paıdalanýshy tirkeldi, 36,5 mln qyzmet alyndy (2018 jyly – 27,5 mln qyzmet). «eGov mobile» jańa mobıldi qosymshasy ázirlendi. Qosymshada 31 qyzmet pen servıs iske asyryldy, osy jyldyń sońyna deıin qosymsha 32 qyzmetti iske asyrý josparda bar.

2018 jyldyń qorytyndysy boıynsha sıfrlyq saýattylyq deńgeıi 79,6% qurady, josparlanǵan kórsetkish – 77%. Bıyl 532 myń adam oqytyldy, jospar boıynsha – 462 846 adam.

«Azamattarǵa arnalǵan úkimet» memlekettik korporasııasy qujattardy qabyldaý jáne berý úshin Qazposhtanyń 1656 bólimshesi, 348 front ofıs, 16 mamandandyrylǵan, 17 kóshi-qon jáne 18 sıfrlyq HQKO arqyly memlekettik qyzmetterdi usynady.

«Jyl sońyna deıin memlekettik qyzmetterdiń 80%-na halyq ınternet arqyly qol jetkize alatyn bolady. Bizdiń aldymyzda kelesi jyldyń sońyna deıin osy kórsetkishti 90%-ǵa deıin jetkizý mindeti tur», – dedi A. Mamın. 

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir