• USD 389.52
  • EUR 429.21
  • RUB 6.07
  • CNY 54.94
20 Qańtar, 07:52:13
Qazaqstan Ýkraınanyń saýda naryǵyna alańdaýly

25 Qarasha, 2019 NEWS

Úlken qalanyń problemasy da úlken bolady

Jańadan kelgen basshynyń jańalyǵymen keletini belgili. Sonyń bir aıǵaǵy – Almatyny damytýǵa arnalǵan «Almaty – 2050» strategııasynyń jobasy der edim.

Bul joba asyqqa quıǵan qorǵasyndaı bolyp kóńilime qona ketti. О́ıtkeni, qala basshysy buǵan deıin óziniń alǵashqy kezdesýin Jazýshylar odaǵynan bastap, kóńilimizge bir úmitti uıalatqan edi. Sol jolǵy kezdesýde ákim jazýshylardyń kitaptaryn oqıtyn kitaphanalar ashamyz, sol jerde oqyrmandar kitap oqyp, sháı iship otyrady degen edi.

Mine, osylaı qala basshysynyń mádenıetke birden den qoıǵany barshamyzdy bir qýantty. Qala ákimi Baqytjan Saǵyntaevtyń strateg basshy ekendigin onyń bir sózindegi turǵyndar sanyn 5 mln-ǵa jetkizemiz degeninen de ańǵarýǵa bolady.

Sonymen qatar, Mustaı Kerimge kóshe ataýyn berip, Sh.Murtaza, Sh.Qaldaıaqovtardyń esimderin jańǵyrtýynyń ózi nege turady. Buryndary qaıtys bolǵan adamnyń esimin berý úshin bes jyl ótýi kerek degen bir qatyp qalǵan qaǵıda bar edi. Shahar basshysy sol úrdisti buzyp, «qashanǵy qaǵazǵa qarap otyramyz» dep, birtalaı is-sharany qolǵa alyp jatyr. «Almaty – 2050» strategııasynda da aldaǵy bolashaqqa batyl qadam jasalǵan. «О́mirdegi ózekti nárseniń bári mádenıetpen baılanysty» deıdi ulylar. Sondyqtan osynaý qyrýar isti qolǵa alyp jatqan qala ákimine úlken qalanyń problemasy da úlken bolady, tek sharshamaı, jumysyńyz oń bolsyn degim keledi.

Biz de óz tarapymyzdan qoldan kelgen barlyq múmkindikterdi aıanyp qalmaımyz.

Sábıt Dosanov,

Jazýshy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir