• USD 389.52
  • EUR 429.21
  • RUB 6.07
  • CNY 54.94
22 Qańtar, 12:49:10
Qazaqstan Ýkraınanyń saýda naryǵyna alańdaýly

19 Qarasha, 2019 Aımaqtar

Aýyl sharýashylyǵy kooperatıviniń alar asýy mol

Agroónerkásip keshenin damytý-Memleket basshysy Qasym-Jomart Toqaevtyń Qazaqstan halqyna Joldaýynda aıqyndalǵan basym baǵyttardyń biri. Osy oraıda Jambyl oblysynyń ákimi Asqar Myrzahmetovtiń bastamasymen qolǵa alynǵan turǵyndardyń turmystyq tabysyn arttyrý jobasy kópke úlgi ekendigi sózsiz.

Rasynda, bastama aýyl turǵyndarynyń turmystyq jaǵdaıyn kóterýge úlken septigin tıgizedi. Bul maqsatta Talas aýdanyndaǵy Úsharal aýyldyq okrýginde «Talas-2020» aýyl sharýashylyǵy kooperatıvi qurylypty. Bastapqyda 400 mıllıon teńgege tehnıka alýdy josparlaǵan kooperatıv búginde onyń baǵasyn túsiripti. Iаǵnı, 132 mıllıon 410 myń teńgege aýyl sharýashylyǵy tehnıkalaryn alýǵa ótinim berip úlgergen. Bul qarjyǵa Sadyqbek Tileýberdıev basshylyq etetin qurylym 22 tehnıka alýdy josparlap otyr eken.

– Tehnıkalardyń barlyǵy nesıege alynatyndyqtan onyń óteýi bolatyny sózsiz. Sondyqtan bizge tek qana jumys isteý kerek. Iаǵnı, alǵan tehnıkalarymyz óz qunyn ózi shyǵarýy tıis. Ári aýyl turǵyndaryn ózge jaqqa qymbat baǵaǵa jaltaqtatpaı, qolda barmen solarǵa jumys isteýimiz basty mindet. Sol sebepten alǵashqy jumysymyzdy Qarataý jotasyna arpa sebýden bastaǵaly otyrmyz. Keler jyly kóktemnen sondaǵy jerdi tıimdi paıdalana otyryp, aýyldaǵy aǵaıynǵa arzandatylǵan jemshóp berý josparymyzda bar, – deıdi kooperatıvtiń atqarýshy dırektory S.Tileýberdıev.

Al bastamanyń besinshi baǵytynda turǵyndardyń óz kásibin ashýy nemese keńeıtýi, shaǵyn jobalardy qarjylandyrýy kózdelgen. Bul maqsatta nıet bildirýshilerge 2,5 paıyzben nesıe beriledi. Degenmen aýyl ákimdigindegi jaýapty mamandardyń aıtýynsha, turǵyndardyń kópshiligi aýyl sharýashylyǵyna jatpaıtyn kásip ashý boıynsha qujat jınap, jobalaryn usynypty. Iаǵnı, tehnıkalyq jóndeý ortalyqtary men výlkanızasııa sekildi. Al mundaı bastamalarǵa jobadan tys 5 paıyzben nesıe rásimdeletin kórinedi. Osyny eskergen aýyl turǵyny Shalqar Abdýlla naýbaıhana ashýdy qolǵa alypty.

– Jasyratyny joq, osy ýaqytqa deıin as atasyn dúkenshiler oblys ortalyǵy Taraz qalasynan tasymaldap keldi. Sonymen qatar Jambyl aýdany, Asa aýylynan da nan alyp kelip, aýyldaǵy aǵaıynǵa ótkeretin. Jobanyń tıimdiligin paıdalana otyryp, naýbaıhana ashýdy qolǵa alyp otyrmyn. Búginde onyń qurylysy júrip jatyr. Aldaǵy ýaqytta «Taraz» áleýmettik kásipkerlik korporasııasy tarapypan qarjy túsetin bolsa, birden qural-jabdyqtarymdy satyp alatyn bolamyn. Al unmen qamtamasyz etý boıynsha osynda jańadan qurylǵan kooperatıv qol ushyn sozady eken, – deıdi aýyl turǵyn Sh.Abdýlla.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir