Medısınalyq qyzmet sapasyn arttyrýǵa 2,5 mıllıard teńge bólindi

Jambyl oblysynda alǵashqy medısınalyq kómektiń qoljetimdiligin qamtamasyz etý isi jergilikti bıliktiń jiti nazarynda. Aǵymdaǵy jyly oblystyq bıýdjet esebinen medısınalyq uıymdardyń materıaldyq tehnıkalyq bazasyn nyǵaıtýǵa 2 mıllıard 500 mıllıon teńgedeı qarajat qarastyrylǵan, dep jazady Qamshy.kz aqparat agenttigi. 

Bul qarajattyń 315 mıllıon 400 myń teńgesine 46 birlik sanıtarııalyq avtokólik satyp alyndy. Qazir bul avtokóliktiń barlyǵy da jergilikti jádel járdem stansalaryna berildi. О́z kezeginde jedel járdem kólikteriniń shaqyrtýlarǵa der shaǵynda jetýi de múddeli memlekettik mekeme basshylarynyń qatań baqylaýyna alynǵan. Búgingi tańda oblys boıynsha 138 jedel járdem avtokóligi GPS–navıgasııasymen jabdyqtalǵan. Atalǵan qurylǵy kómegimen jedel járdem kólikteriniń qozǵalysyn baqylaýǵa alý jáne tıimdi paıdalaný múmkindigin berdi. Turǵyndar tarapynan densaýlyq saqshylaryna túsken barlyq shaqyrylymdar «KО́MEK» avtomattandyrylǵan júıesi arqyly qabyldanyp, tirkelip otyrady. Jedel járdem brıgadalarynyń naýqastarǵa ýaqytyly jetýin baqylaýdy arnaıy qurylyǵan monıtorıngtik top nazaryna alǵan. Negizinen jedel járdem kólikteriniń shaqyrtýlarǵa kesh jetýiniń sebebi stansasynan keshigip shyǵýy, dıspetcherdiń jumysy, kóshelerdiń jáne úılerdiń nómerleriniń joqtyǵy saldarynan oryn alady. Sondaı-aq jol jóndeý jumystary, úı aldyndaǵy kedergiler, júrgizýshilerdiń jol bermeýi, elektrondyq karta derekteriniń jańartylmaýy naýqasqa shuǵyl jetýge keri áserin tıgizip otyr. Búginde oblys ákimdiginiń densaýlyq saqtaý basqarmasy atalǵan kemshilikterdi joıý baǵytynda jumystardy qolǵa alǵan. О́z kezeginde bul baǵyttaǵy jumystar oblys ákimdiginiń turaqty baqylaýyna alynǵan.

О́ńirdegi medısına salasynyń sapasyn arttyrýǵa bólingen qarjynyń negizgi úlesi medısınalyq uıymdardy medısınalyq qural-jabdyqtarmen jaraqtandyrýǵa tıesili. Bul jumystarǵa ergilikti bıýdjet esebinen 2 mıllıard 131 mıllıon teńge bólinip, 587 dana medısınalyq tehnıka satyp alyndy. Al ótken jyly medısınalyq uıymdarǵa qajetti qural-jabdyqtardy satyp alýǵa 2 mıllıard 300 mıllıon teńge qarajat qarastyrylyp, 942 dana medısınalyq qural jabdyq alynǵan bolatyn.

Sáıkesinshe bul kórsetkishter óńirdegi medısınalyq qyzmet sapasyn arttyrý maqsatynda qabyldanǵan sharalardyń nátıjeliligin kórsetedi.