• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 15:04:05
Qazaqstan Ýkraınanyń saýda naryǵyna alańdaýly

18 Qarasha, 2019 Aımaqtar

Áleýmettik qoldaý sharalarynan shet qalmady

Kópbalaly jáne turmysy tómen otbasylardyń áleýmettik jaǵdaıyn jaqsartýǵa jol ashqan ataýly áleýmettik kómektiń sharapatyn atalǵan sanatqa jatatyn merkilk januıalar da aıqyn sezinýde. Aǵymdaǵy jyldyń sáýir aıynan beri Merki aýdanynda 4000-ǵa jýyq otbasyǵa kómektiń dál osy túri taǵaıyndalǵan, dep jazady Qamshy.kz aqparat agenttigi. 

Aýdandaǵy áleýmettik jaǵdaıy tómen kópbalaly otbasylarǵa ataýly áleýmettik kómekti taǵaıyndaýǵa bıýdjetten 1 mıllıard 920 mıllıon 500 qarastyrylǵan. Aǵymdaǵy jyldyń 10 aıyndaǵy málimet aýyldyq okrýgter boıynsha 17261 múshesi bar 3619 merkilik otbasydan áleýmettik kómek taǵaıyndaýǵa qujattar qabyldanǵanyn kórsetedi. Mundaǵy 3327 otbasyǵa kómek shartty negizde al 292 otbasyna shartsyz aqshalaı kómek berildi. Sondaı-aq áleýmettik qoldaýǵa zárý jergilikti turǵyndarǵa 200 myń teńge kóleminde qarjylaı kómek kórsetildi. Bul múmkindikti 10 otbasyndaǵy 74 merkilik sezindi.

Sonymen qatar óńirde jergilikti ýákiletti organdardyń sheshimderimen belgili bir sanatqa jatatyn turǵyndarǵa da áleýmettik kómek kórsetý sharalaryna da bıýdjetten qarjy qaralyp maqsatty ıgerilgen. Atap aıtqanda bul bastama aıasynda 165 adamǵa jalpy somasy 5 mıllıard 605 mıllıon teńgege járdem aqy tólengen. Munan bólek múgedek balalardy úıde oqytýǵa jumsalǵan shyǵyndardy óteýge 96 otbasyndaǵy 99 balaǵa 3 mıllıard 711 mıllıon teńge tólendi. Áleýmettik qoldaý sharalaryn aýdanǵa qarasty eldi mekenderde jumys jasaıtyn áleýmettik sala mamandary da shet qalmaıdy. Aǵymdaǵy jyly olardyń turǵyn úılerin jylytýǵa qajetti otyn satyp alýǵa 28 mıllıon teńge bıýdjet qarjysy jumsaldy.

Jalpy búginde aýdanda 2564 múmkindigi shekteýli jan bar. Sáıkesinshe olardyń jaı-kúıi, qajettilikterin óteý jumystary jergilikti bıliktiń jiti nazaryna alynǵan. Atap aıtqanda múgedekterdi ońaltý baǵdarlamasyna saı olardy gıgıenalyq quraldarmen jáne logoped, defektolog mamandarmen, jeke kómekshilermen qamtamasyz etý maqsatynda 34,1 mıllıon teńge ıgerildi. Sondaı-aq 17-áleýmettik qyzmetker 96 múmkindigi shekteýli múgedektiń úıinde olarǵa áleýmettik qyzmetterdiń 8 túri boıynsha qyzmet kórsetýde. Múmkindigi shekteýli jandarǵa qolaıly orta jasaý maqsatynda beıimdelýge jatatyn 12 mekemeniń jeteýinde beıimdeý jumystary júrgizildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir