Joldaýdy nasıhattaý sharalary óz deńgeıinde júrgizilip keledi

Jambyl oblysynda aǵymdaǵy jyldyń basynda Qazaqstan Respýblıkasy Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýyn keńinen nasıhattaý sharalary qolǵa alynǵan, dep jazady Qamshy.kz aqparat agenttigi. 

Joldaýdan týyndaıtyn mindetterdi jáne Joldaý aıasynda óńirde atqarylyp jatqan jumystardy halyqqa jetkizý úshin aqparattyq-nasıhattyq jumystar josparǵa saı qolǵa alynyp keledi. Oblysta 99 múshesi bar 11 oblystyq aqparattyq top quramy men olardyń Taraz qalasy men aýdan, aýyl turǵyndarymen kezdesý kesteleri bekitildi.

Quramynda 10 adamnan turatyn sarapshylar, depýtattar, qoǵamdyq pikir kóshbasshylary bar oblystyq mobıldik top aýdandardy aralap, eldi mekenderde 200-ge jýyq kezdesý ótkizdi. Bul sharalarǵa 30 myńǵa jýyq adam qamtyldy. Jalpy Jambylda Joldaýdy keńinen nasıhattaý maqsatynda 500-ge jýyq is-shara ótkizilip, oǵan 80 myńnan astam adam qamtyldy.

Jergilikti jerdegi aqparattyq-túsindirý jumystary kezinde 2100 dana ádistemelik qural taratyldy. Bir ǵana Taraz qalasynyń ózinde 13 dana bılbord, 5 dana pılon, 1 arka ornatylǵan. Al aýdan turǵyndary arasynda Joldaýdan týyndaǵan mindetterdi nasıhattaýda 70 bılbord ornatyldy.

Sonymen qatar Joldaýdy aqparattyq súıemeldeý boıynsha barlyǵy 83 syrtqy kórneki aqparat quraldary ornalastyryldy. Strategııalyq máni zor qujatty nasıhattaý maqsatynda buqaralyq aqparat quraldarynyń múmkindigi paıdaǵa asýda. Joldaý jarııalanǵan sátten buqaralyq aqparat quraldarynda 238 aqparattyq materıal jaryq kórdi. 7 materıal respýblıkalyq aqparat quraldary arqyly jarııalanyp, ondaǵy Prezıdent pármenimen oblystaǵy oryn alǵan oń ózgerister men tolaıym tabystar jaıy sóz boldy.

Aqparattyq nasıhat jumystary zamanaýı sıpat alyp, kópshiliktiń suranysyna saı ınfografıkalar men qysqa beıneorolıkterdi ázirleý isine basymdyq berilip keledi.

Memleket basshysynyń Joldaýy qashanda halyqtyń ystyq yqylasyna ıe bolyp keledi. О́ıtkeni bul strategııalyq qujatta elimizdiń áleýmettik-ekonomıkalyq ómirin meılinshe jaqsarta túsýdegi naqty sharalar qaralady. О́z kezeginde Joldaýdan týyndaǵan mindetterdi iske asyrýdyń barysynan habardar bolyp otyrý da halyqtyń kóńilinen shyǵatyndyǵy daýsyz.