AIU rektory Arystyq 10 oqýshyǵa grant bólgen kásipkerge alǵys aıtty

24 maýsymda Arys qalasynda áskerı qoıma jarylyp qala halqy qıyn jaǵdaıda qalǵan bolatyn. Respýblıkanyń túkpir-túkpirinen kómekke asyqqan Qazaqstan jurty Arys halqyna úlken qoldaý bildirdi. Sondaı izgi istiń birin Túrkistan oblysynyń týmasy, kásipker Nurken Jarylǵapuly atqardy. Ol Arystyq 10 balanyń joǵary oqý ornyna túsip, 4 jyl boıy tegin oqyp shyǵýyna múmkindik berdi.

ÚShEM STÝDENTTIŃ ARMANY ASQAQ

Astana halyqaralyq ýnıversıtetine Arys qalasynan kep oqyp jatqan aǵaıynda (úshem) stýdentter. Zaýr, Zarına jáne Zamır.

Astana halyqaralyq ýnıversıtetiniń 1 kýrs stýdentteri Zaýr, Zarına jáne Zamır Zulypharovtar Arys qalasynan bıyl kelgen. Aǵaıyndy (úshem) stýdentterdiń árqaısy óz salasynyń mamany bolýdy armandaıdy. Zarına iz kesýshi bop ishki ister salasynda eńbek etkisi keledi. Al, Zaýr paıdaly saıttar men baǵdarlamalar jasaıtyn bilikti IT mamany bolýdy qalaıdy. Zamırdyń armany Google kompanııasynda qyzmet etý.

BILIMGE INVESTISIIа QUIý ShETELDE TAŃSYQ EMES

Astana halyqaralyq ýnıversıtetiniń rektory Serik Aztaıuly Yrsalıev

“Arysta bolǵan jaǵdaıdan bárimiz habardarmyz. Halyq úlken qoldaýǵa muqtaj boldy. Kásipker retinde bir oqpen eki qoıan attyńyz. Kómekke muqtaj jandardyń qajetin ótedińiz jáne jas býynnyń sapaly bilim alýy úshin múmkindik ashtyńyz. Jastar jáne jańa ýnıversıtet úshin úlken qoldaý kórsettińiz. Bul – álemdik tájirıbe. Álemde bilimge ınvestısııa quıý damyǵan. Qazaqstanda bul úrdis endi damyp kele jatyr. Kórsetken azamattyǵyńyz úshin sizge úlken alǵys bildiremin”, – dedi Serik Yrsalıev kásipker Nurken Jarylqapulyna.

Astana halyqaralyq ýnıversıtetiniń rektory Serik Yrsalıevtyń aıtýynsha, pedagog daıyndaý jóninde ýnıversıtetke eń úlken qoldaýdy “Bilim-ınnovasııa” Halyqaralyq qoǵamdyq qory kórsetip jatyr.

“О́zderińiz bilesizder “Bilim-ınnovasııa” HQQ-na Qazaqstannyń eń úzdik mektepteri kiredi. Úshtildi oqytýshylar, damyǵan ádis-tásilder, aǵylshyn tilindegi úzdik oqýlyqtar barlyǵy osy BIL-dyń bir ózi atqaryp otyrǵan sharýa”, – dedi rektor.

Sonymen qatar, stýdentterge “4 jyldan keıin oqýdy támámdap Qazaqstannyń bolashaǵyna paıdaly maman atanyp shyǵasyńdar degen senimdemin”, – dedi.

ARYSTYQ 10 BALAǴA GRANT TAǴAIYNDAǴAN KÁSIPKER KIM?

Kásipker Nurken Jarylqapuly

Asanov Nurken Jarylqapuly 1980 jyly 25 mamyr kúni Túrkistan oblysy, Shardara aýdany, Qyzylqum eldi mekeninde týǵan. 1997-2001 jyldary Almaty qalasyndaǵy Ál-Farabı atyndaǵy Qazaq Ulttyq ýnıversıtetinde “Halyqaralyq ekonomıkalyq qatynastar” mamandyǵy boıynsha bilim alǵan. 2002-2004 jyldary Germanııanyń Fraıbýrg qalasyndaǵy “Výppertal” ýnıversıtetinde “Halyqaralyq basqarma” mamandyǵy boıynsha bilimin jetildirgen. 2014-2016 jyldary Shveısarııanyń “Iýbıs” ýnıversıtetinde “MVA” mamandyǵy boıynsha bilim alǵan.

Kásipker Nurken Jarylqapuly Arys qalasynan Astana halyqaralyq ýnıversıtetine kelip oqyp jatqan stýdenttermen.

Nurken Jarylqapuly oqý ornyndaǵy Arystyq stýdenttermen kezdesip, aǵalyq aqylyn aıtty. Stýdentterge bilimniń mańyzdylyǵyn túsindirip, sapaly maman atanýǵa tilektestik bildirdi.

ASTANA HALYQARALYQ ÝNIVERSITETI TÝRALY NE BILEMIZ?

Joǵary oqý orny rektorynyń aıtýynsha Astana halyqaralyq ýnıversıteti Qazaqstannyń birinshi prezıdenti Nursultan Nazarbaevtyń tikeleı jobasy. 7 baǵyt boıynsha sapaly maman daıarlaý joǵary oqý ornynyń basty mıssııasy.

“Ýnıversıtetimizdiń ashylǵanyna 2 jyl boldy. О́tken jyly 200-ge jýyq magıstranttar bitirip shyqty. Qazir, ýnıversıtetimizde 350 stýdent bilim alyp jatyr. Olardyń ishinde 300-den asa bakalavrıat, qalǵany magıstratýra bilimgerleri”, – dedi Astana halyqaralyq ýnıversıtetiniń áleýmettik jáne tárbıe baǵytyndaǵy vıse-prezıdenti Álimjan Bekejanuly.

Igenbaev Álimjan Bekejanuly. Astana halyqaralyq ýnıversıtetiniń áleýmettik jáne tárbıe baǵytyndaǵy vıse-prezıdenti joǵary bilim berý mektebi pedagogıkalyq fakýltetiniń dekany.

“Bıyl bakalavrǵa túsken 10 stýdent Arys qalasynda zardap shekken otbasylardyń balalary. Mesenat Asanov Nurken Jarylqapuly arnaıy 10 balaǵa járdemaqy taǵaıyndaǵan bolatyn. Sol balalar quqyq, pedagogıka jáne IT salasy boıynsha bilimmen qosa shákirtaqy da alyp jatyr. Arystaǵy arnaıy ókilderimiz konkýrs arqyly jaǵdaıy kelmeıtin, múmkindiginshe kópbalaly otbasynan shyqqan 10 balany iriktep aldy. Sonymen qatar UBT-da jınaǵan upaılaryn da eskerdik. Nurken Asanov el bolashaǵynyń janashyry ǵoı. Arystaǵy halyqtyń jaǵdaıyna alańdap, jastar sapaly bilim alsyn, bolashaǵy jarqyn bolsyn dep osyny óz moınyna aldy. Jaqsy istiń bastaýy dep oılaımyn”, – dedi Álimjan Bekejanuly.

“Bárimizge belgili qoǵamda muǵalimderdiń tapshylyǵy bar. Jylyna Astana qalasynyń ózine 850-ge jýyq muǵalim qajet. Astana halyqaralyq ýnıversıteti aldaǵy jyldary Elordany pedagogıka mamandarymen qamtamasyz etýdi josparlap jatyr. Bizde Astana qalasy ákimdiginiń qoldaýymen 200-deı bala grantpen oqyp jatyr. 50 shaqty magıstranttyń 36-sy memlekettik grantpen bilim alýda”, – dep atap ótti AIU vıse-prezıdenti.

Ábdimanap Keńes

Kazaknews.kz