Nege elimizde uıaly baılanystar sóndirile bastady?

Keshe tańerteń qazaqstandyqtardyń uıaly baılanysynyń istemeı qalýyn bılik túsindirip berdi dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

Nur-Sultan qalasynyń turǵyny Sputnik Qazaqstan tilshisine tańǵy saǵat jetide uıaly baılanystyń joqtyǵyn baıqaǵanyn aıtty.

"Men qońyraý shalǵym kelgende ekranda "telefon tirkelmegen" degen jazý shyqty. Mobıldi ınternet te istemedi. Biraz ýaqyt ótkennen keıin "jeke sáıkestendirgish nómerińdi jiber" degen sms keldi. Men habarlama jibergen soń baılanys qaıta paıda boldy", - dep áńgimeledi ol.

Elorda turǵyny uıaly telefondy bıyl satyp alynǵanyn jáne onyń tirkelmegenin rastady.

Qazaqstannyń sıfrlyq damý, ınnovasııalar jáne aeroǵarysh ónerkásibi mınıstrliginiń telekommýnıkasııa komıteti bıylǵy jyly 1 qańtarda abonenttik qurylǵylardy tirkeý prosesi aıaqtalǵanyn aıtty. Eger azamat telefonyn osy ýaqyttan keıin satyp alyp, áli kúnge deıin tirkemese, onda tirkelý qajet. Ol úshin sms jiberý nemese baılanys operatorynan kómek suraý kerek.

"Sońǵy kúnderi bizdiń vedomstvoǵa telefon nómirleriniń sóndirilýine baılanysty shaǵymdanatyndar kóbeıdi. Osyǵan oraı, azamattar arnaıy ázirlengen servıs arqyly óz attaryna qansha nómir tirkelgenin anyqtaı alatynyn eske salamyz. Paıdalanýshylar óz kelisiminsiz attaryna tirkelgen nómirlerdi anyqtaǵan jaǵdaıda baılanys operatoryna baryp, olardy sóndirýge keńes beremiz. Sebebi nómirdi paıdalaný úshin jaýapkershilik olardyń ıeleriniń moınynda bolady", - dedi telekommýnıkasııa komıtetiniń tóraǵasy Vıtalıı Iаroshenko.

Buǵan qosa, vedomstvo tirkeý júrgizý uıaly telefon urlyǵymen jáne alaıaqtyqpen kúreste asa mańyzdy ekenin aıtty.

"Jeke sáıkestendirgish nómirińizben baılanysty apparat óz atyńyzǵa tirkelgen SIM-kartalarmen ǵana jumys isteıdi. Apparat basqa SIM-kartalarmen istemeıdi", - dep túsindirdi Iаroshenko.

Sondaı-aq, uıaly baılanys operatorlary qurylǵyny *660*3# nómirin terý arqyly qaıta tirkeýge bolatynyn habarlaıdy.