Qazaqstan Doing Business reıtınginde 25-oryndy ıelendi

Dúnıejúzilik bank «Doing Business» bıznes júrgizýdiń jeńildigi boıynsha reıtıngte Qazaqstannyń pozısııasyn 3 tarmaqqa – 28-den 25-ke deıin kóterdi, dep habarlaıdy primeminister.kz saıty.

«Doing Business» reıtıngindegi Qazaqstan pozısııasyn arttyrý Úkimettiń áreket etip turǵan zańnamany reformalaý, ruqsat júıesin jetildirý, bıznes qurý rásimderin jeńildetý, memlekettik baqylaý-qadaǵalaý qyzmetin ońtaılandyrý jáne elimizdegi iskerlik ahýaldy jaqsartý jónindegi júıeli júrgizilip jatqan jumystarynyń arqasynda múmkin boldy.

Bıznesti damytý úshin jaǵdaılardy jaqsartý jumystary ári qaraı jalǵastyrylady. 

Dúnıejúzilik bank jyl saıyn bıznesti júrgizý jaǵdaılarynyń qolaılylyǵy boıynsha 190 memlekettiń reıtıngin jarııalaıdy. Taldaý 10 kórsetkish boıynsha júrgiziledi, onyń ishinde jańa bıznesti qurýǵa jumsalatyn ýaqyt jáne aqshalaı qarajat shyǵyndary, qurylysqa ruqsat alý, elektr energetıkasy ınfraqurylymyna qoljetimdilik, menshik quqyǵyn tirkeý, nesıeler alý, mınorıtarlyq ınvestorlardyń quqyqtaryn qorǵaý, salyq salý, halyqaralyq saýdany júzege asyrý t.b. bar. 

Qazaqstan Islandııa (26 oryn), Avstrııa (27 oryn), Reseı (28 oryn), Japonııa (29 oryn), Ispanııa (30 oryn), Armenııa (47 oryn), Belarýs (49 oryn), Qyrǵyzstan (80 oryn) jáne kóptegen basqa elderdiń aldyna shyqty.

Doing Business reıtıngisinde Jańa Zelandııa, Sıngapýr jáne Gonkong kósh bastap tur.