Kóshi-qon qyzmeti ortalyǵynda kóp is atqarylýda

Elbasy Nursultan Nazarbaev usynǵan «100 naqty qadam» Ult josparynyń nátıjesinde elimizde «Azamattarǵa arnalǵan úkimet» memlekettik korporasııasy qurylyp, jemisti jumys atqarýda. Onyń jarqyn mysalyn Jambyl oblysynan da kezdestirýge bolady. Jańashyldyqqa negizdelgen qurylymnyń qyzmeti ýaqyt talabymen úndesýde. Osy oraıda jańa bólimderdiń de ashylyp, kópshilikke kóp kómegin tıgizip jatqandyǵyn aıta ketken jón.

Qazaqstan Respýblıkasy Premer – Mınıstriniń 2018 jyldyń 19 qańtaryndaǵy №6-r úkimimen bekitilgen Qazaqstan Respýblıkasy Úkimetiniń jumys josparynyń 181 pýnktin júzege asyrý maqsatynda, 2019 jyldyń 26 sáýirinde Taraz qalasynda alǵashqy kóshi-qon qyzmeti ortalyǵy ashyldy.

Osy ortalyq kórsetiletin memlekettik qyzmetterdiń sapasyn arttyrý, bul qyzmetterdiń kórsetý merzimin qysqartý, jemqorlyq táýekelderin joıý jáne qolaıly jaǵdaı jasaý úshin qurylyp, eńbek mıgranttaryna ruqsatnama berý boıynsha qyzmet "bir tereze" qaǵıdasymen usynady.

Ortalyqta 14 qyzmetker jumys atqaryp, «Eńbekshi kóship kelýshilerge ruqsattar berý jáne uzartý» boıynsha 8 aıda 1898 memlekettik qyzmet kórsetti. Budan bólek, osy ortalyqta sheteldik eńbek ımmıgranttaryna medısına qyzmeti, notarıýs qyzmeti kórsetilip, «Kazposhta» aksıonerlik qoǵamynyń bólimshesi ornalasqan.

Taraz qalasyndaǵy mamandandyrylǵan HQKO boıynsha da jemisti jumystar jalǵasýda. Tirkeý-emtıhan qabyldaý bólimderin jabý týraly sheshim qabyldanǵannan soń IIM-niń bastamasymen qolǵa alynǵan jańa ereje mamandandyrylǵan HQKO daǵy TEB oryndaryn jabý, sonymen qatar teorııalyq jáne praktıkalyq emtıhandardy ótkizý mindeti 2019 jyldyń 1 shilde aıynda memlekettik korporasııalarǵa berildi. Qazirgi tańda mamandandyrylǵan sektorlar, Qordaı, Moıynqum, Shý, Merki, T.Rysqulov, Sarysý, Talas qyzmet jasaýda.

2018 jyldyń 8 aıynda oblys kóleminde «Kólik quralynyń sáıkestendirý nómiri boıynsha kólik quraldarynyń jekelegen túrlerin memlekettik tirkeý jáne esepke alý» -memlekettik qyzmet túri boıynsha 74 680 qyzmet kórsetilse, «Júrgizýshi kýálikterin berý» qyzmeti boıynsha - 13 679 qyzmet kórsetildi.

Aldaǵy ýaqytta da nátıjeli jumystar jalǵasa beretin bolady.