Jýalyda ilgerileý bar

Elbasy N.Nazarbaevtyń buqaralyq sportty damytý týraly tapsyrmasyna sáıkes, Jambyl oblysynda jemisti jumystar atqarylýda. Osy oraıda Jýaly aýdanynda da jyldan jylǵa ilgerileý anyq baıqalyp otyr. Mysaly, 2017 jyly aýdanda barlyǵy 111 sporttyq ǵımarat jumys istese, 2018 jyly olardyń qatary 120-ǵa artty. Aıta ketý kerek, 2017 jyly Bılikól aýyldyq okrýgi, Qarabastaý aýylynda oblystyq bıýdjet esebinen jasandy tósenishi bar fýtbol alańshasy jáne demeýshiler esebinen voleıbol alańshasy paıdalanýǵa berildi. Sonymen qatar, B. Momyshuly aýylynda «Street Workout» alańshasy salyndy. Aýdandaǵy 34 sport nysandaryna aýyl turǵyndarynyń qoljetimdiligin qamtamasyz etý maqsatynda bilim berý mekemeleriniń sport zaldary men aýdan ortalyǵynda ornalasqan sport nysandarynda shuǵyldaný kestesi jasalyp, jergilikti buqaralyq aqparat quraldarynda jarııalandy.

Aýdan boıynsha 14-29 jas aralyǵyndaǵy jastar sany 14817 adamdy quraıdy. Onyń 7087-i sportpen júıeli túrde shuǵyldandy. Sol jyly uıymdastyrylǵan 301 is-sharaǵa 57610 aýdan turǵyny qatystyryldy. Al 2017 jyldyń qorytyndysy boıynsha júıeli túrde dene shynyqtyrý jáne sportpen aınalysatyn turǵyndardyń úlesi 51399 turǵynnyń 14658-syn, ıaǵnı 28,5 paıyzyn qurady.

Qarjylandyrý kólemi de jyldan jylǵa ulǵaıýda. 2017 jyly aýdan sportyn damytýǵa 14,0 mıllıon teńge, onyń ishinde ulttyq jáne buqaralyq sport túrlerin damytýǵa-2,0 mıllıon teńge, aýdandyq sporttyq is-sharalar ótkizýge -3,3 mln. teńge jáne aýdan qurama komandalaryn oblystyq jarystarǵa qatystyrýǵa – 8,7 mıllıon teńge qarastyryldy. Esepti kezeńde aýyldyq okrýgterde 14 arnaıy bilimi bar sport nusqaýshylar shtattyq birlikteri ashylyp, jumys jasady.

Aýdanda № 12 jáne № 13 balalar jasóspirimder sport mektepteri jumys isteıdi. Sport mektepterdiń 92 seksııasy aýdan boıynsha 1383 jastardy qamtyp, qazaqsha kúres, boks, dzıýdo, taekvondo, kókpar, erkin kúres, fýtbol, voleıbol, gir kóterý, toǵyzqumalaq, ústel tennısi, qol kúresi oıyndarynyń túrlerimen aýdan jastaryn dene shynyqtyrýǵa tartyp otyr.

Bilim berý mektepterindegi seksııalar sany – 110, onda 5400 jasóspirim túrli sport úıirmelerinde sportpen shuǵyldandy. «Aýla klýbynyń» sporttyq úıirmelerinde 181 jasóspirim taekvondo, boks, shahmat jáne fýtbolmen shuǵyldanýda.