• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:39:30
Qazaqstan Ýkraınanyń saýda naryǵyna alańdaýly

19 Qazan, 2019 Aımaqtar

Jarqyn jobanyń jemisi

QR Tuńǵysh Prezıdenti Nursultan Ábishuly Nazarbaev «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna arnaǵan Joldaýynda: «Jumys berýshilerdi tartý arqyly jáne halyqaralyq talaptar men sıfrlyq daǵdylardy eskere otyryp, tehnıkalyq jáne kásiptik bilim berý baǵdarlamalaryn jańartý kerek. «Barshaǵa tegin kásiptik-tehnıkalyq bilim berý» jobasyn júzege asyrýdy jalǵastyrý qajet. Memleket jastarǵa alǵashqy mamandyqty beredi. Úkimet bul mindetti oryndaýǵa tıis» dep atap kórsetken edi.

Búginde jarqyn joba Jambyl oblysynda jemisti júzege asýda. Máselen, Jambyl aýdanyndaǵy № 17 Jambyl kolledjiniń dırektory Talap Ábdibekovtiń aıtýynsha, atalǵan oqý ornynda «Dánekerleý isi», «Avtokólikterge tehnıkalyq qyzmet kórsetý», «Fermer sharýashylyǵy» beıinderi boıynsha 186 stýdent bilim alýda eken. Olardyń óz isiniń naǵyz mamany bolyp shyǵýyna mundaǵy 24 oqytýshy jaýapty. 2018-2019 oqý jylynda oqýǵa 75 stýdent memlekettik tapsyrys negizinde bilim alǵan. О́rnek aýylynda ornalasqan atalǵan kolledjge oqýǵa kelgen stýdentter 240 oryndyq oqytý korpýsy jáne 50 balaǵa arnalǵan jataqhanamen qamtylypty. Budan bólek munda ashana, sheberhana jáne oqý polıgony sekildi birqatar nysandar bar. Osyndaı oqý ornynyń biri - Moıynqum aýdany, Moıynqum aýylynda ornalasqan №8 Moıynqum kolledji. Mundaǵy 151 bilimger aýyl sharýashylyǵy óndirisindegi traktorıst-mashınıst, elektrondy esepteý mashınasynyń operatory, elektromonter, elektrgazymen dánekerleýshi mamandyǵy boıynsha bilim alyp jatyr.

Kolledj dırektorynyń oqý óndirisi jónindegi orynbasary Ermak Jumabekov qazir qolda bar lısenzııaǵa qosymsha eki biliktilik boıynsha mamandyqtarǵa suranys berilip, aspazshy mamandyǵy boıynsha qujattar daıyndalyp, materıaldyq baza jasaqtalyp jatqanyn aıtty.

Arnaıy pán oqytýshysy Jańabek Keneshov stýdentter jylyna bir aı óndiristik tájirıbeden ótetinin sóz etti. Al «Ferma sharýashylyǵy» mamandyǵy negizinde bilim alyp jatqan oqýshylar dýaldi oqytý júıesi boıynsha aptasyna bir-eki kún «Úrker», «Asqar» sekildi sharýa qojalyqtarynyń egistik jerine baryp, aýdarý, qopsytý, óńdeý, tyrmalaý sekildi ádis-tásilderdi meńgeripti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir