• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:34:29
Qazaqstan Ýkraınanyń saýda naryǵyna alańdaýly

16 Qazan, 2019 Aımaqtar

Jýalylyq oqýshylar joǵary nátıje kórsetti

Jýaly aýdanynyń oqýshylary bıylǵy Ulttyq birińǵaı testileýge qatysý nátıjesi boıynsha joǵary nátıje kórsetti. Atap aıtar bolsaq, mektep bitirýshi túlekterdiń Ulttyq biryńǵaı testileýge qatysýǵa ótinish bergender sany 756 bolǵan. Naqty testileýge 750 oqýshy qatysyp, aýdan boıynsha testileýdiń ortasha baly 97,5-ti qurady. Testileýdiń qorytyndysy boıynsha oqýshylar kórsetken nátıjeleri de jaman emes. Máselen, 2018-2019 oqý jylynda 791 oqýshy 11 synypty bitirse, onyń 38-i «Altyn belgi» tós belgisin, 36 oqýshy «Úzdik attestat» alǵan.

Bul aýdandaǵy oqýshylardy bilim alýǵa yntalandyrý isiniń durys jolǵa qoıylǵanyn kórsetse kerek-ti. Al bul rette oqýshylardyń jańa kúshpen jańa oqý jylynda bilim qoryn tolyqtyrýǵa jazǵy demalysynyń durys ótýi yqpal etetini belgili. Atalǵan iste Jýaly aýdanynda oń jumystar júrgizilýde. Máselen, aýdanda 2019 jyldyń bıýdjetinen jazǵy saýyqtyrý lagerimen qamtamasyz etý úshin 19850,0 myń teńge qarjy qarastyrylǵan. Jalpy 2019 jyldyń jazǵy kezeńinde balalar men jasóspirimderdiń demalysy men saýyqtyrylýyna 1-10 synyp oqýshylarynyń 9841 balasyn demaldyrý josparlanyp, aıaqtalǵan. Sondaı-aq 11 600,0 myń teńgege 400 balany qala syrtyndaǵy lagerge demaldyrý josparlanyp, olar jazǵy saýyqtyrý lagerinde demalyp kelgen.

– Týrıstik saıahattar men ekskýrsııaǵa 1 914 bala, mektepter men mektepten tys bilim mekemelerinde til úırený, sporttyq, óner baǵyttary boıynsha úıirmelerge 5280, eńbek jasaqtarynda kógaldandyrý, jóndeý jumystaryna 845 jáne aýla klýbynda – 1050, respýblıkalyq saýyqtyrý ortalyqtarynda – 9 bala demaldy.

Aǵymdaǵy jyly bólimge qarasty bilim mekemelerindegi balalardyń saýyqtyrý lagerlerinde demalatyn jekelegen sanattaǵy balalardyń qamtylýy 100 paıyzdy qurady, ol – 3150 oqýshy. Sonyń ishinde jetim jáne ata-analarynyń qamqorlyǵynsyz qalǵan, qorǵanshylyqqa alynǵan jáne patronattaǵy balalar – 41, az qamtylǵan otbasylarynyń balalary – 2207, múmkindigi shekteýli balalar – 141 balanyń 59-y qamtyldy, bilim, óner, sport salalarynda úzdik nátıje kórsetken balalar – 2791, – deıdi aýdandyq bilim bóliminiń basshysy M. Aıjanov.

Budan bólek, aýdanda bıylǵy jazǵy maýsymda daryndy balalarǵa arnalǵan 3, 4 kýrs bilimgerlerin volonter retinde jaz mezgilinde mektepterdegi aǵylshyn tili úıirmelerine tartý jumystary júrgizilý josparlanyp otyr eken.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir