Jambylda veterınarııalyq jaǵdaı turaqty baqylaýda

Búginde elimizde veterınarııalyq qaýipsizdik máselesine basa nazar aýdarylýda. Bul turǵyda aýyl sharýashylyq janýarlaryn birdeılendirý jumystary da jandana túsken.

Birdeılendirý jumystaryn júrgizýge QR Aýyl sharýashylyǵy mınıstrliginen Jambyl oblysyna bólingen 188 388 dana múıizdi iri qara maldyń, 1629954 dana qoı-eshkiniń qulaq japsyrmalary aýdandarǵa taratyldy.

Aýyl sharýashylyq janýarlaryn birdeılendirý jumystary oblys ákiminiń orynbasarymen bekitilgen 2019 jylǵa arnalǵan is-shara josparyna sáıkes júrgizilip, birdeılendirýdiń derekter qoryna engizilýde.

Jalpy, aýyldyq okrýgterde 160 veterınarııalyq pýnktter qurylǵan, onyń 75-i 2018 jyly qyzmettik úı-jaımen qamtamasyz etildi. 2019 jyly 48 veterınarııalyq pýnktterge qyzmettik úı-jaımen qamtamasyz etý josparlanǵan. Qalǵan 37 veterınarııalyq pýnktterdi qyzmettik úı-jaımen qamtamasyz etý 2020 jylǵa kózdelip otyr.

Oblys ákimdigi veterınarııa basqarmasynyń basshysy Ospan Berdııarovtyń aıtýynsha, eldi mekenderdi malǵa dári-dármek egýge, qan synamalaryn alýǵa arnalǵan alańdarmen jáne iri qara maldardy ektoparazıtterge qarsy dárileýge (shomyldyrýǵa) arnalǵan dýshtarmen qamtý jumystary júrgizilýde. Aımaqta barlyq eldi meken sany 384, al qamtylǵany -126. Jyl sońyna deıin 67-si qamtylady.

Aǵymdaǵy jyly 9 ýaq maldardardy kenege qarsy shomyldyratyn mal toǵytpalarymen qamtý josparlanǵan, jyl sońyna deıin qamtamasyz etilip barlyǵy 152 nysan bolady.

Sonymen qatar kenege qarsy jumystar da júıeli júrgizilýde.

Kongo Qyrym gemorragııalyq qyzbasynyń tabıǵı oshaǵynda ornalasqan jekelegen eldi mekenderde 3 jyl kóleminde aýrý tirkelmegendikten jáne aýrý qozdyrǵyshyn tasymaldaýshy kene anyqtalmaýyna baılanysty 2019 jyly oshaqtaǵy eldi meken sany 83 – ten 48 - ge kemidi.

Oblystyq bıýdjetten tabıǵı oshaqta oranalasqan Taraz qalasy men aýdandarǵa kenege qarsy qoldanylatyn preparattardy satyp alýǵa jáne aýdandyq bıýdjetten kenege qarsy jumystardy júrgizýge 125 mln. 454 myń teńge bólindi.

Kenege qarsy jumystardyń kóktemgi 1 jáne 2 kezeńi tolyq aıaqtaldy. Nátıjesinde josparǵa sáıkes 48 eldi mekende kólemi 4 743 647 sharshy metr bolatyn 17 917 qora jaı, 502 238 bas aýyl sharýashylyǵy janýarlary kenege qarsy 100 paıyz dárilendi. Qazirgi tańda zalalsyzdandyrý jumystarynyń kúzgi 3 kezeńi atqarylýda.

Búgingi kúnge tabıǵı oshaqta 22 mal toǵytpasy jáne 38 dýsh qoldanysqa alynǵan. Qora jaılardy dezınseksııalaý jumystary 17 DÝK avtokóligimen júrgizilýde. Sonymen qatar oblystyń mekemelerimen turǵyndar arasynda sanıtarlyq aǵartý jumystary turaqty túrde júrgizilýde.

Jalpy, oblysta veterınarlyq jaǵdaı bir qalypty jáne turaqty baqylaýda.