14 Qazan, 2019 NEWS

Semeıde "Eki juldyz" atty festıval ótti

Qalada múmkindigi shekteýli balalar men eresekter arasynda "Eki juldyz" VI vokaldyq festıvali ótti.

Qalalyq mádenıet saraıy sahnasynda  múmkindikteri shekteýli jandar men  kásibı ártister óner kórsetti. Festıval aımaqtyq deńgeıde ótkizilýde. Zaısan, Jarma, Úrjar jáne Aıagóz aýdandarynan kelgen qatysýshylar, sondaı-aq jergilikti arnaýly áleýmettik qyzmet kórsetý ortalyǵynyń ókilderi kórermenderdi ónerlerimen tánti etýge jınaldy. Festıvaldiń maqsaty – múmkindigi shekteýli adamdar arasynda shyǵarmashylyqty damytý, olardy áleýmettendirý jáne qoǵamǵa beıimdeý.

Aıta ketý kerek, buǵan deıin is-shara tek balalar baıqaýy túrinde ótkizildi. Alaıda bıylǵy jyly vokaldyq festıvaldi ótkizý jáne formatty ózgertý engizildi. Uıymdastyrýshylardyń aıtýynsha, balalardy baǵalaý óte qıyn boldy. Sonymen qatar, festıvalge alǵash ret balalar ǵana emes, eresekter de qatysty.

– 2018 jylǵa deıin biz "Eki juldyz" baıqaýyn ótkizdik. Biraq balalardy baǵalaý óte qıyn boldy. Bıyl biz formatty ózgertip, tek vokaldyq festıvaldi uıymdastyryp otyrmyz. Meniń oıymsha, balalardyń sahnaǵa shyǵyp, ánniń sózin úırengeni úlken jetistik. Gala-konsertke múmkindigi shekteýli 22 adam men 18 tálimger qatysty. Barlyǵy 40-qa jýyq qatysýshy. Olardyń barlyǵy aldyńǵy baıqaýlardyń dıplomanttary, – deıdi qalalyq arnaýly áleýmettik qyzmet kórsetý ortalyǵynyń dırektory Rymjan Tynysova.

Festıvaldiń qatysýshylarymen dýette Qalalyq mádenıet úıiniń kásibı ártisteri óner kórsetti. Vokalıster festıval qatysýshylaryna keńester berip, olardyń shyǵarmashylyǵyn árdaıym qoldap keledi.

– Balalar úshin sahnaǵa shyǵý qıyn emes. Olardyń árqaısysy óner kórsetýge daıyn, óıtkeni bizdiń ortalyqta vokaldyq úıirmeler uıymdastyrylǵan. Onda biz olardyń shyǵarmashylyq múmkindikterin damytamyz, – deıdi Rymjan Tynysova.

"Eki juldyz" baıqaýy qalada 2014 jyldan bastap ótkiziledi. Ony jyl saıyn ótkizýdiń bastamashysy qalalyq arnaıy áleýmettik qyzmet kórsetý ortalyǵynyń ókilderi . Olar baıqaýǵa qatysýshylardyń talanttaryn ashýǵa, olardyń vokaldyq múmkindikterin damytýǵa jáne óz kúshine degen senimin arttyrýǵa umtylady.

Semeı qalasynyń aqparattyq ortalyǵy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir