• USD 389.52
  • EUR 429.21
  • RUB 6.07
  • CNY 54.94
15 Qazan, 15:29:43
Saılaý qarsańynda "joǵalyp ketken" akter Shrı-Lankadan sálem joldady (vıdeo)

10 Qazan, 2019 NEWS

Nyǵmatýlın: " Mynaý masqara! Mınıstrliktiń apparaty nemen aınalysady? "

Tómengi palata spıkeri bildeı bir mınıstrlikten konsepsııa ázirleıtin mamandardyń shyqpaǵanyna qynjyldy

Májilis tóraǵasy Nurlan Nyǵmatýlın Qazaqstannyń tarıhı-mádenı muralarynyń biryńǵaı keshenin jasaý tujyrymdamasyn ázirleýge bıýdjetten 100 mıllıon teńge suraǵan mádenıet jáne sport mınıstrligin qatań synǵa aldy,–  dep Qamshy.kz aqparat agenttigi habarlaıdy Sputnik-ke silte jasap

Májiliste "2019-2021 jyldarǵa arnalǵan respýblıkalyq bıýdjet týraly" zańǵa ózgerister engizý týraly" zań jobasy qaraldy.

Depýtat Beıbit Mamyraevtyń aıtýynsha, qujatta Qazaqstannyń tarıhı-mádenı murasynyń biryńǵaı keshenderin jasaý tujyrymdamasyn ázirleýge arnalǵan shyǵystar 100 mıllıon teńgege ulǵaıtylǵan. Májilismender bul bıýdjet qarajatyn tıimsiz jumsaý dep sanaıdy.

"Bizdiń oıymyzsha, Qazaqstanyń tarıhı-mádenı murasynyń biryńǵaı keshenderin jasaý qazirgi tarıhı-mádenı mura obektilerin biryńǵaı bazaǵa jınaqtaýdy bildiredi. Bul jaıly aqparat ınternette jetip artylady. Olardy tek sapaly júıeleý kerek. Osyǵan shyn máninde 100 mıllıon teńge kerek pe? Jyl sońy da taqap qaldy, áli konkýrs ótkizip, bul jumysty oryndaý kerek. Mınıstrliktiń bıýdjet shyǵystaryn ońtaılandyrýǵa osylaı qaraǵany bizge túsiniksiz?", – dedi Mamyraev.

Mádenıet jáne sport mınıstriniń mindetin atqarýshy Eldos Ramazanov konsepsııa tórt baǵyttan turatynyn, tarıhı eskertkishter men olardyń ınfraqurylymyn damytýdyń bas jospary ekenin atap ótti.

Alaıda, májilis tóraǵasy Nurlan Nyǵmatýlın Ramazanovtyń jaýabyna qanaǵattanbady. Spıker bildeı bir mınıstrlikten tujyrymdamany ázirleıtin toptyń shyqpaǵanyna qynjyldy.

"Mekemege jumysqa turarda, túıindeme jazǵan kezde masqara endi. Tórt-bes dıplomdaryńyz bar, birneshe jerden taǵylymdamadan ótken. Al jaýap bergen kezde "ortashamyn" deısizder. Meniń bilýimshe, mádenıet mınıstrliginiń apparatynda 300-deı adam qyzmet etedi. Budan bólek, murajaılar, mádenı ortalyqtar bar. Olardyń barlyǵynda qanshama maman jumys isteıdi. Osylardyń ishinen baǵdarlama emes, konsepsııa jasaıtyn bir top shyqpasa, onda osynsha qyzmetkerler ne úshin kerek? Ne úshin olardy ustaımyz?", – dep ashýlandy Nyǵmatýlın.

Spıkerdiń sózine sensek, mınıstrlik 100 mıllıon teńgeni konsepsııa ázirleıtin topty jaldaý úshin suraǵan eken.

"Olar bizge jazyp beredi deıdi. Mynaý masqara ǵoı. Sonda mınıstrliktiń apparaty nemen aınalysady? Bizdegi barlyq memlekettik organda osyndaı. 100 mıllıonǵa jekemenshik kompanııany jaldaısyńdar. Sodan keıin olardyń jazǵanyn úkimet pen parlamentte tanystyryp, óz eńbekteriń sııaqty maqtanasyńdar. Memleket nege artyq aqsha jumsaýy kerek?! Men osyny túsinbeımin", – dedi májilis tóraǵasy.

Onyń aıtýynsha, memlekettiń aqshasyna naryqtaǵy kompanııany jaldap, jazdyra salý –  eń ońaı jol.

"Qudaı biledi, olardyń ne jazatynyn?!.. Biz memlekettiń aqshasyn ońdy-soldy shashpaı, tıimdi jumsaý kerek dep sanaımyz. Ony ár mınıstr, memlekettik organnyń basshysy bilip júrýi kerek. Jumys istegende osyny esten shyǵarmaıyq", – dep túıindedi sózin Nyǵmatýlın.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir