• USD 389.52
  • EUR 429.21
  • RUB 6.07
  • CNY 54.94
17 Qazan, 12:08:40
Prezıdenttik jastar kadr rezervine irikteýdiń kelesi kezeńine 904 qatysýshy ótti

09 Qazan, 2019 Aımaqtar

Sement óndirisin eki esege arttyrýdy kózdeıdi

«Jambyl sement óndiristik kompanııasy» jaýapkershiligi shekteýli seriktestigi respýblıkadaǵy sement óndirisi salasyndaǵy jetekshi kásiporyn sanalady. Jylyna 1,2 mıllıon tonna sementti óndirip, Qyrǵyzstan, Tájikstan memleketterine eksporttaıtyn óndiris oshaǵy óziniń óndiristik qýatyn eki esege deıin arttyrý múmkindigin qarastyrýda, dep jazady Qamshy.kz aqparat agenttigi. 

2010-2014 jyldar aralyǵyndaǵy Údemeli ındýstrııalyq-ınnovasııalyq damytýdyń memlekettik baǵdarlamasy aıasynda 2010 jyly iske qosylǵan kompanııa óziniń óndiristik qýatyn eseleýde ekinshi tehnologııalyq jelini iske qosýǵa ıek artyp otyr. Atalǵan jeliniń iske qosylýymen kompanııanyń óndiristik áleýeti eselenip qana qoımaı jańa jumys oryndarynyń ashylýyna múmkindik berilmek. Qazirdiń ózinde kásiporynda 240 adam jumys jasaıdy. Kompanııa tarapynan jumysshylarǵa óte qolaıly turmystyq jaǵdaılar jasalynǵan. Atap aıtqanda mundaǵy jumysshylar Balqash kóli jaǵasyndaǵy «Samal» dep atalatyn qalashyqta turady. Sondyqtan da olarǵa jumystan bos ýaqytta emin-erkin tynystaýdyń barlyq múmkindikteri qarastyrylǵan. Kompanııa jumysshylarynyń balalarynyń mektepke deıingi tárbıemen qamtý máselesi tolyqtaı sheshimin tapqan. Sondaı-aq olardyń mekteppen qamtý, medısınalyq qamtamasyz etý sekildi túıtkilder tolyǵymen sheshilgen. Mundaǵy shaǵyn market pen kitaphana, fıtnes men bılıard, kınozaldary men turmystyq qyzmet kórsetý ortalyqtary da óndiris oshaǵy qyzmetkerleriniń jumystan qoly qalt etkende emin-erkin demalýyna sol arqyly eńbek ónimdiligin arttyrýǵa jol ashady.

Kompanııa basshylyǵy óndiristik nysandardaǵy eńbek qaýipsizdigin de basty nazaryna alǵan. Sáıkesinshe eńbek qaýipsizdigi men eńbekti qorǵaý salasyndaǵy jumystar júıeli júrgizilip keledi. Ári qaýipti óndiristik jaǵdaılarda jańa tehnologııalardy qoldaný esebinen sońǵy úsh jyldyń ishinde «Jambyl sement óndiristik kompanııasy» jaýapkershiligi shekteýli seriktestiginiń óndristik nyandarynda birde-bir oqys oqıǵa tirkelmegen.

Jalpy sońǵy jyldary Jambyl óńirindegi kásiporyndardyń qýaty eselep artyp keledi. О́tken jyldyń qorytyndysy boıynsha respýblıkadaǵy hımııa ónerkásibi óniminiń 30 paıyzyn beretin oblysta óndiris kólemin 39,2 paıyzǵa arttyrǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir