Alǵaǵa aýyzsý tartylatyn kún alys emes

Jambyl oblysy Shý aýdanynyń ákimi Jarylqasyn Aıtaqovtyń jumysyna kópshilik búginde dán rıza. Ákim qyzmetine kirisken boıy, qara halyqtyń qamyn kúıttep júr. Oǵan biz Alǵa aýyldyq okrýgi, Saýytbek aýylyndaǵy kezdesýde taǵy bir márte kóz jetkizdik, dep jazady Qamshy.kz aqparat agenttigi. Aýyl máselesi jóninde málimdegen okrýg ákimi B.Esbergenov pen aýyl turǵyndarynyń aıtýynsha, munda da jaıylymdyq jer, kóshe joldaryn asfalttaý, eskirgen elektr baǵandaryn aýystyrý, kanaldy tazartý syndy máseleler kóp eken. Sonymen qatar, aýyz sý máselesi, mektep jolyn jaryqtandyrý qajettigi de aıtylýda.

Turǵyndardyń muń-muqtajyn muqııat tyńdaǵan aýdan ákimi ár suraqqa tyńǵylyqty, júıeli jaýap berdi. Mysaly, J.Aıtaqov aýyldaǵy eń úlken másele – aýyz sý máselesi ekendigin, onyń respýblıkalyq bıýdjet qarajaty esebinen ǵana sheshimin tabatynyn aıtty. Qazirgi tańda aýyz sý boıynsha JSQ daıyndalýda. Ol memlekettik saraptamadan ótip, oń nátıje alyp shyqsa, respýblıkalyq bıýdjetten qarajat bólinedi. Shamamen bir jyl ishinde aýyz sý problemasy sheshimin tabýy múmkin. Ekinshiden, jol máselesine kelgende sý qubyryn júrgizbeı turyp, jol jóndeýdiń qajet emestigin nazarǵa saldy. О́ıtkeni, kópshilik kórip júrgendeı, birinshi joldy asfalttap, munan keıin ony qaıta qazyp sý qubyryn júrgizý eki shyǵyn bolsa, ekinshiden buzylǵan jolǵa qaıta qarajat qarastyrylmaıtyny, ol jol qaıtadan jóndelmeıtini anyq. Sol sebepten, birinshi sý qubyry, sodan soń jol máselesine kóshý uıǵaryldy. Al, aýyldy gazdandyrý máselesine keler bolsaq, kógildir otyn aýyl shetine deıin keletini, aýyl ishine, kóshelerge gaz qubyryn júrgizý turǵyndardyń kógildir otynǵa qosylý belsendiligine baılanysty ekendigi, óıtkeni, aýyl ishine gaz qubyryn tartý turǵyndardyń gazǵa qosylý qunynan túsken qarajat esebinen júzege asyrylatyny túsindirildi. Kanal tazalyǵy boıynsha «KazSýshar» mekemesi kanaldardy kezekpen tazalaıtyny aıtylǵanymen, sýdy bógep turǵan kanal ortasyndaǵy zańsyz ornatylǵan gıdroqurylǵyny alyp tastaýdy sý sharýashylyǵy mekemesiniń mamanyna eskertip, bul máseleni polısııa qyzmeti arqyly bolsa da sheshý qajettigin jetkizdi. Mektep jolyn jaryqtandyrýdy okrýg ákimine mindettese, eskirgen elektr baǵandaryn aýystyrý nemese jóndeýdi aýdan ákimdiginiń TKSh, JK jáne AJ bóliminiń basshysyna tapsyrdy.

Osylaısha J.Aıtaqov: «Halyqtyń turmystyq ahýalyn arttyrý, aýyldyń áleýmettik jaǵdaıyn kóterý eń kúrdeli ári birinshi kezektegi másele. Endigi maqsat kóterilgen máselelerdiń sheshimin tabý bolǵandyqtan, men osy baǵytta jumys jasaıtyn bolamyn. О́ıtkeni, qurǵaq ýádemen kún ótkizýdiń zamany ótip ketti. Degenmen, bar másele ýaqyt pen qarajatqa baılanysty. Osy ekeýi úılesimin taýyp jatsa, qordalanǵan problemalardy birtindep retke keltirýge bolady»,-dep jurtshylyqtyń janaryna úmit otyn seýip ketti.