• USD 389.52
  • EUR 429.21
  • RUB 6.07
  • CNY 54.94
19 Qazan, 16:15:45
Nazarbaev: "Nur Otan" halyqty mazalaıtyn máselelerge aralaspaıdy

09 Qazan, 2019 NEWS

Memlekettik qýyrshaq teatry mereıli 85-shi maýsymyn ashady

San ǵasyrdan súrleý salyp, adam balasymen birge jasasyp, janynyń rýhanı azyǵy bolyp kele jatqan mádenıet salasynyń biri – sahna óneri. Jer betindegi ár-túrli halyqtardan ózindik ereksheligimen dúnıege kelgen sahna óneriniń basty maqsaty men múddesi – jalpy adamzattyń máselesin kóteretin bolǵandyqtan túrli baǵytta bolsa da álemge ortaq óner bolyp sanalady.

Sahna óneriniń erekshe túri, qoǵam men adam ómirindegi orny bólek salasy – qýyrshaq teatry óneri. Qaınar kózin jer sharynyń ár túkpirinde, ózinshe damyǵan halyqtyq ónerden alatyn qýyrshaq teatrynyń tarıhy, taǵylymdy talap etetin talaı ǵumyrdy artyna qaldyrdy. Búgingi tańda, kóp júıeli, kóp túrli, kóp salaly qýyrshaq teatry ónerdi úırenýdi, tanýdy, saralaýdy qajet etetin úlken mektep. Jańashyldyqqa jany qumar sahnanyń bul salasy, jalpy ónerge júkteler qoǵamdyq salmaqty teń turǵyda kóterip kele jatqandyǵy áldeqashan dáleldengen. Qýyrshaq uǵymynyń ózi búgin oılap tabylǵan sóz emes ekendigi aıqyn.

qýyrshaq

Respýblıkamyzdaǵy tuńǵysh qýyrshaq teatry – Memlekettik qýyrshaq teatry da ǵasyrǵa jýyq osy bir sezimtal óner túrin damytý jolynda úzdiksiz eńbek etip keledi. Memlekettik qýyrshaq teatry – respýblıka tarıhyndaǵy tuńǵysh qýyrshaq teatry. Qazaq jerinde ótken ǵasyrdyń basynda paıda bolǵan qarashańyraq birneshe býyn jastardy tárbıelep, baldyrǵandardyń jan-jaqty azamat bolyp qalyptasýyna óz úlesin qosyp keledi. О́ziniń 84-shi maýsymynda balalarǵa arnalǵan «Saǵynysh shóbi» (avt.: R.Otarbaev, rej.: R.Janyamanov), «Arman álemi» (rej.: N.Kósherbaev), «Batyldar ýaqyty» (rej.: A.Zaısev) syndy santúrli oqıǵalardy sahnalaıtyn, biri balalardyń logıkalyq oılaý qabiletin arttyrsa, endi biri adaldyq pen qaıyrymdylyqqa úndeıtin qoıylymdar kórermen nazaryna usynylyp, kópshiliktiń zor qoshemetine bólenip keledi. Qýyrshaq óneriniń san qyrlylyǵy men ereksheligin kórsetý jolynda tynbaı eńbektenip kele jatqan ujym álemdik qýyrshaq ónerine qazaq qýyrshaq óneriniń múmkindikterin tanystyrý úshin jumystar jasaýda.

Ásirese, teatr ujymynyń Halyqaralyq qýyrshaqtar teatry kúnine oraı ekinshi jyl naýryz aılarynda «Qýyrshaqtar shaqyrady!» atty teatrishilik festıvalin ótkizip kele jatqandyǵy erekshe ataýǵa turarlyq. Bıylǵy jyly Halyqaralyq dárejede ótkizilýi josparlanyp otyrǵan atalmysh festıval tek teatrdyń ǵana emes, ult mádenıetiniń jan-jaqty damýyna zor yqpal etýde. Eresekterge arnalǵan spektaklder qoıýmen erekshelenip júrgen óner ordasy jańa maýsymda kórermenderine kezekti taǵylymdy dúnıesin usynbaqshy.

Aǵymdaǵy jylda teatr ujymy mereıli 85-shi maýsymynda uly aqyn Abaı Qunanbaevtyń 175 jyldyq mereıtoıyna oraı Abaı Qunanbaevtyń qara sózderine negizdelgen «ABAI» (rej.: A.Zaısev) qoıylymyn kórermen nazaryna usynbaq. Qazaqtyń aqyny, fılosof Abaı Qunanbaevtyń beınesi alǵash ret qýyrshaq beınesinde sahnalanbaq. Negizgi maqsat – dana Abaıdyń taǵylymyn jastardyń sanasyna sińirý, uly tulǵanyń oı-tolǵamdaryn keńinen dáripteý. Munda ár oqıǵa men keıipkerdi sımvolıka arqyly jetkizedi. Rejısser teatrda tek bir ulttyń máselesin ǵana kóterýmen shektelip qalyp, jalpyadamzatqa ortaq máseleni qarastyra almasa, quldyraýǵa alyp keletinin jaqsy túsinedi. Sondyqtan, bul qoıylymda tek Abaı beınesi men bolmysy ǵana emes, bilimge, kókiregi oıaý halyqqa aınalý úshin qajetti uǵymdardy biriktire otyryp, jalpyadamzattyq máseleni kóteredi. Jańa baǵytqa qadam jasap kele jatqan qadirli qýyrshaq teatrynyń kórermenderin 85-shi teatr maýsymynyń ashylýynda asyǵa kútemiz!

qýyrshaq

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir