Jambylda tanymdyq saıahattar uıymdastyrylýda

Qazaqstan Respýblıkasynyń Tuńǵysh Prezıdenti N.Nazarbaevtyń «Bolashaqqa baǵdar rýhanı jańǵyrý» baǵdarlamalyq maqalasy aıasynda Jambyl oblysynda jemisti jumystar atqarylýda. Mysaly, 2018-2019 oqý jylynda Sarysý aýdanyndaǵy bilim berý mekemelerinde 121 is-shara ótkizilgen. «Rýhanı jańǵyrý» baǵdarlamasy aıasynda 32 ekskýrsııa uıymdastyrylyp, aýdan mektepterinen 1980 oqýshy qamtyldy.

Aýdandaǵy 5 mektepten vırtýaldi murajaı ashyldy. Atap aıtqanda: Jańatas qalasyndaǵy M.Áýezov mektep-gımnazııasy, Toǵyzkent aýylyndaǵy Túgisken orta mektebi, Jaıylma aýylyndaǵy Áıteke bı atyndaǵy orta mektebi, Á.Búrkitbaev aýylyndaǵy M.Áýezov atyndaǵy orta mektebi, Igilik aýylyndaǵy Shoqaı datqa atyndaǵy orta mektep. Sondaı-aq, Shoqaı datqa atyndaǵy orta mektepte, Túgisken orta mektebinde mektep ishinen «Rýhanı jańǵyrý» aıasynda arnaıy murajaı ashyldy. «Rýhanı jańǵyrý» baǵdarlamasy aıasynda atqarylatyn josparǵa sáıkes tárbıe saǵattary, semınarlar, kezdesýler, baıqaýlar uıymdastyrylyp, bólimge qarasty mektepterden 1-11 synyptan 8665 oqýshy (100%) qamtyldy.

Aýdanda balalardyń shyǵarmashylyq qabiletin arttyrý maqsatynda 10 qosymsha bilim berý mekemeleri jumys jasaıdy Onda 3657 bala qamtylǵan nemese 42,3%-dy quraıdy. Basqa da mekteptegi jáne sport mektepterindegi úıirmelerge –1101 oqýshy (12,7%) qatysady.

Bilim basqarmasy basshysy men aýdan ákimi arasyndaǵy 2019 jylǵy ındıkatorlyq kórsetkish boıynsha qosymsha bilimmen qamtylǵan oqýshylardyń úlesi 58% jetý josparlanýda.

Zamanaýı oqytý men tárbıe úrdisiniń negizgi ıdeıasy oqýshylardyń belsendiligin arttyrý, izdenimpazdyqqa úıretý, bilimdi óz betinshe alyp, kúndelikti ómirde qoldana biletin daryn ıesin tárbıeleý. Bul ońaı is emes, sebebi, jas jetkinshektiń boıyndaǵy erekshe qabilettin, daryndylyǵyn tanı bilý, ony odan ári damýyna baǵyt-baǵdar berý úlken sheberlikti talap etedi. Búgingi tańda, qosymsha bilim berý mekemelerindegi oqýshylardyń, ustazdardyń jetistikterin atap ótýge bolady. Sonyń biri, Jańatas qalasyndaǵy balalar óner mektebiniń oqýshylary orkestrden Almaty qalasynda ótken III halyqaralyq «Jeti óner» baıqaýynda Bas júldeni ıelendi.

«Bulaq kórseń kózin ash» deıdi dana halqymyz. Shynynda da jas shybyqtaı jelkildep ósip kele jatqan jetkinshekterge durys tárbıe berilse, olardyń bolashaqta ornyqty tulǵa bolyp qalyptasatyndyǵy daýsyz. Bul turǵyda Elbasynyń «Bolashaqqa baǵdar: rýhanı jańǵyrý» atty mazmundy maqalasynyń bereri mol.