Jambyl oblysy: «Kitaphanashysyz» kitaphanalar jelisi damyp keledi

Jambyl oblysynda kitaphanashysy joq kitaphanalar jelisi damý ústinde dep jazady Qamshy.kz aqparat agenttigi.

Ashyqtyq prısıpiniń negizgi qaǵıdalaryna saı stýdentter men jalpy oqyrmandardyń parasattylyǵyna senim artatyn erekshe joba buǵan deıin Shoqan Ýálıhanov atyndaǵy oblystyq ǵylymı-ámbebap kitaphanasynda qolǵa alynsa, jaqynda ǵana Taraz memlekettik pedagogıkalyq ýnıversıteti stýdentterine «Adal kitaphanany» kádege jaratý múmkindigi berildi, dep jazady Qamshy.kz aqparattyq agenttigi.

Bul kitaphanalardyń basty ereksheligi munda oqyrmandarǵa ózderine ózderi qyzmet kórsetedi. Qalaýy túsken kitapty qolyna alǵan oqyrman óziniń kitapty alǵanyn rastaıtyn qujatty da óz qolymen toltyrady. Onda tipti kitapty keri qaıtarý kúni de naqty kórsetiledi. Bul joba «Jambyl adaldyq alańy» negizinde júzege asyrylyp otyr. Ádiletti qoǵam qurýdyń alǵysharty sanalatyn kitaphan jumysy oqyrmandardyń adaldyǵy men parasattylyǵyna zor senim artady.

–Árıne kúndelikti oqý prosesine qajetti qarapaıym kitaphanadan alyp oqý stýdentter úshin qalypty jaǵdaı. Sonyń ózinde olar kitapty belgili bir ýaqytta keri qaıtarý jaýapkershiligin moınyna alady. Al «Adal kitaphanaǵa» bas suqqan oqyrmannyń bul jaýapkershiligi eki eselene túsedi.Osy bir daǵdylar arqyly biz jastardyń asa kúrdeli máselelerdi sheshýde adaldyq pen parasattylyqqa ıek artýyna úndeımiz, –deıdi Qazaqstan Respýblıkasy Sybaılas jemqorlyqa qarsy is qımyl agenttigi oblys boıynsha departament basshysynyń orynbasary Ravıl Tólebaev.

О́ńirdegi ustazdar ustahanasy atanǵan oqý ordasynda jumysyn bastaǵan «Adal kitaphana» atalǵan joba qolǵa alynǵannan bergi aralyqtaǵy ekinshi «erekshe kitaphana»sanalady. Buǵan deıin bul joba aıasynda oqyrmannyń adaldyǵy men parasattylyǵyna senim artqan ortalyqtyń Shoqan Ýálıhanov atyndaǵy oblystyq ámbebap ǵylymı kitaphanasynda ashylǵan bolatyn. Bul kitaphanalardyń negizgi aýdıtorııasyn jasy 15-ten asqan jáne zeınet jasyna deıingi kez kelgen oblys turǵyny quraıdy. Aldaǵy ýaqytta óńirde dál osynda 7 kitaphana ashylatyn bolady. Jambyl-adaldyq alańy» jobasy aıasynda Taraz memlekettik pedagogıkalyq ýnıversıtetinde ashylǵan «Adal kitaphanasynda» oqyrmandary óz qalaýyndaǵy kitapty oqyp qana qoımaı jeke, erkin jáne toptyq jumystardy jasaıtyn oryndardy kádesine jarata alady. Sondaı-aq dáristerden tys ýaqytta shahmat, doıby oınaýǵa da bolady. Pedagog-ǵalymdar da bul kitaphanalardan stýdentter ózine qajetti oqý quraldaryn ózi tańdap, taýyp alýy izdenimpazdyǵyn nyǵaıta túsetindigine senim bildirdi.