Bostandyq aýdanynda sý basý qaýpiniń aldyn alý sharalary júrgizilýde

Almaty qalasy ákimdiginiń baspasóz ortalyǵynda ótken brıfıngte aýdan ákimi Altaı Rahymbetov Bostandyq aýdanynda sý basýdyń aldyn alý úshin ne jasalǵanyn jáne azamattardyń ótinishterimen qalaı jumys istep jatqanyn aıtty.

Máselen, Lısıanskıı kóshesiniń soltústik jaǵyndaǵy jol jıekterine bordıýrler ornatyldy. Osyndaı bordıýrler Tımırıazev kóshesiniń soltústik jaǵyndaǵy aryq júıesiniń boıymen basqa kóshelerge jańbyr sýyn burý úshin ornatyldy. Bul shara Tımırıazev kóshesindegi (Aımanov kósh.qıylysy) úılerdiń aýlalarynda sý basý jaǵdaılaryn boldyrmaýǵa múmkindik beredi.

Almaty qalasy ákiminiń turǵyndarmen kezdesýinde 118 suraq kelip tústi. Suraqtardyń basym bóligi kommýnaldyq sharýashylyqqa (aýla aýmaǵyn abattandyrý, eski úılerdi buzý jáne t.b.) jáne abattandyrýǵa (jol tósemderin jóndeý, kóshelerdi jaryqtandyrý, aryq jelisin sanıtarlyq tazalaý, jasyl jelekterdi sanıtarlyq kesý jáne buzý), sondaı-aq, trotýarlar men joldardy salý jáne jóndeý, qoǵamdyq kólik jelilerin damytý jáne jańǵyrtý, joldaǵy qaýipsizdikti arttyrý. Barlyq máseleler kezeń-kezeńimen sheshiledi.

1.14.1 Jol belgisin qalpyna keltirý boıynsha jumystar júrgizildi. Ál-Farabı atyndaǵy QazUÝ aldyndaǵy jaıaý júrginshiler joly men ál-Farabı dańǵyly boıyndaǵy baspaldaq aralyǵy jóndeldi.

Saın kóshesindegi (Asqarov kósh.qıylysy) jasyl jelekterdi sýarý kestesi retke keltirilip, soǵan sáıkes jumystar kúndizgi ýaqytta 8:00-den keshki 17:00-ge deıin, túngi ýaqytta 21:00-den 6:00-ge deıin turaqty negizde júrgiziledi. Jarokov kóshesindegi № 292 úıge jylý berý júıesi retke keltirildi.

Tehnıkalyq qabattaǵy turǵyn emes úı-jaıǵa qaıta tekserý júrgizilip, tekserý kezinde jylytý júıesiniń buzylmaǵany jáne jumys jaǵdaıynda ekeni anyqtaldy.

Sonymen qatar, 18 ýly gaz datchıgi ornatylyp, 140 otbasynyń úılerine gaz qubyry júrgizildi.