• USD 389.52
  • EUR 429.21
  • RUB 6.07
  • CNY 54.94
18 Qazan, 13:00:28
Sarapshylar joldaýdyń júzege asyrylýyn talqylady

25 Qyrkúıek, 2019 NEWS

Nurlan Noǵaev: memlekettiń qarjysyn tıimdi paıdalaný qajet

Atyraý oblysy ákimi Nurlan Noǵaev sybaılas jemqorlyqqa qarsy óńirlik komıssııanyń otyrysyn ótkizdi, – dep habarlaıdy óńirlik kommýnıkasııalar qyzmeti.

Otyrys barysynda óńirlerdi damytý jáne monoqalalardy damytý memlekettik baǵdarlamalarynyń oryndalysy talqylandy.

Oblystyq ekonomıka jáne bıýdjettik josparlaý basqarmasynyń basshysy Aıdar Nuralıevtiń málimetinshe, sońǵy 3 jylda óńirlerdi damytý baǵdarlamalary aıasynda 146 mlrd. teńge bólingen.

– Atalǵan baǵdarlama aıasyndaǵy jobalardy qarjylandyrý boıynsha oń dınamıkany kórip otyrmyz. Qarjylandyrýdyń negizgi kózi – jergilikti bıýdjet, sonymen qatar, respýblıkalyq transfertterdiń de edáýir óskeni baıqalady. Jobalardyń tıimdi iske asýy, tutastaı alǵanda, óńirdiń damýyna da oń yqpal etedi, – dedi A.Nuralıev.

​Kólik ınfraqurylymyn damytý boıynsha birqatar jumystar atqaryldy. 24 eldi mekende 761,8 km. avtomobıl joldary jańǵyrtyldy. Jaqsy jáne qanaǵattanarlyq dárejedegi oblystyq jáne aýdandyq mańyzdaǵy joldardyń úlesi jyl saıyn artyp keledi. Eki jyl buryn bul kórsetkish ​51% bolsa, jyl aıaǵyna deıin 57% jetkizý josparlanyp otyr.

m

Eldi mekenderdi gazdandyrý, elektr qýatymen jáne aýyz sýmen qamtý jumystary júrgizildi: 317,8 shaqyrym sý qubyrlary jelisi​ men sý tazartý qurylǵylary, 500shaqyrymnan astam gaz qubyrlary jelisi salyndy. Bular halyqtyń ómir deńgeıin jaqsartady. Sonymen qatar, oblys ákimi jumystardyń sapasyna da nazar aýdardy.​ ​ ​ ​ ​ ​ ​

– Bizdiń mindetimiz bólingen memleket qarjysyn ıgerip qoıý ǵana emes, sonymen qatar, aıaqtalǵan jobalardy qadaǵalap, monıtorıng jasaýymyz kerek. Prezıdentimiz halyqtyń ál-aýqatyn kóterip, ózekti máselelerdi sheshýdi tapsyrdy. Sonyń ishinde, sapaly aýyz sýǵa qoljetimdilik boıynsha áli de sheshimin tappaǵan tustary bar, – degen pikir aıtty N.Noǵaev. ​ ​

Energetıka jáne TKSh basqarmasynyń basshysy Murat Iǵalıev, aýyldyq eldi mekenderdi taza aýyz sýmen qamtamasyz etý máselesi boıynsha qosymsha túsinik bere otyryp, paıdalanýǵa berilgen sýmen qamtý obektilerin qadaǵalap otyrýǵa saýatty mamandardyń jetispeıtinin aıtty. ​ ​ ​

– Qazir aýdandardaǵy kóptegen sý qubyry jelilerin «Atyraý Sý Arnasy» KMK-nyń balansyna berip jatyrmyz.Bul kásiporynnyń obektilerdi paıdalanyp, qyzmet kórsetýge ​ ​ qajetti jabdyqtary men mamandary bar, – dep atap ótti M.Iǵalıev.

Monoqalalardy damytý baǵdarlamasynyń arqasynda Qulsary 3 jylda 7 mlrd. teńge qarajat aldy: balabaqshalar, mektepter, aýrýhanalar, basqa da áleýmettik nysandar salyndy. Jyl aıaǵyna deıin, Qulsaryda mektep, 2 balabaqsha, óner mektebi, kitaphana jáne mýzeı paıdalanýǵa berilmek. Elektr qýatyn júrgizý, abattandyrý, qoǵamdyq qaýipsizdik boıynsha aýqymdy jumystar júrgizilýde.

Otyrysty qorytyndylaı kele, óńir basshysy memleket qarjysyn tıimdi paıdalanyp, sybaılas jemqorlyq belgilerin bolǵyzbaýǵa, bul memlekettik qyzmetshilerdiń basty mindeti ekenine nazar aýdardy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir