"Qytaı eshkimge zııanyn tıgizbeıdi" (vıdeo)

Qytaı tóńiregindegi elderge eshqandaı zııanyn tıgizbeıdi. Keshe Nur-Sultan qalasynda ótken Eýrazııa elderi Parlamenti tóraǵalarynyń 4-shi keńesinde kórshi elden kelgen delegat osyndaı pikir bildirdi dep jazady Qamshy.kz aqparat agenttigi Eýrazııa arnasynyń deregin negizge alyp. 

Eýrazııa qurlyǵyndaǵy Parlament tóraǵalarynyń keńesi bıyl Nur-Sultanda tuńǵysh ret ótkizildi. Alǵash Reseıde, odan keıin Koreıada, byltyr Túrkııada, mine bıyl Qazaqstanda uıymdastyrylýda.

4-shi keńestiń taqyryby — «Úlken Eýrazııa:Dıalog. Senim. Seriktestik».  Bul taqyryp tegin tańdalǵan joq. Sebebi, Qazaqstan astanasynda ótken Sırııa kelissózderiniń nátıjesin dúıim el kórip otyr. Dál sol sııaqty, bir-birimen dúrdaraz elderdiń arasyna da araǵaıyndyq kerek. Qos qurlyqty jalǵap jatqan Qazaqstanǵa kelgen qonaqtardyń  kókeıindegi túıtkil osy.

"Biz álemdegi beıbitshilikti baǵalaımyz ári elimizdiń barlyq kórshilerimen teń jáne dostyq qarym-qatynasty ornatyp kelemiz. Sondaı-aq, tóńiregimizdegi  baı bolsyn, kedeı bolsyn, barlyq eldiń qundylyqtary men táýelsizdigine qurmetpen qarap, olarǵa eshkim qysym jasap, zııanyn tıgizbese eken deımiz", - dedi Búkilqytaılyq halyq ókilderi jınalysynyń komıtet tóraǵasy Lı Chjanshý. 

Qazir depýtat bolý ońaı ma, qıyn ba bilmeımiz. Biraq olarǵa júkteler mindet zor. Sebebi, ol zań shyǵarýshy organnyń ókili. Al zań shyǵarý úshin el ishindegi, álemdegi ahýal eskerilýi kerek.  Nursultan Nazarbaev ta "parlamentarıılerdiń daýysy Eýrazııa kontınentinde qattyraq shyǵýy kerek" degen pikir aıtty.  О́kinishke oraı, bizde  kontıtent turmaq,  kamera kórse qashatyn, úndemeıtin depýtat kóp.