• USD 389.52
  • EUR 429.21
  • RUB 6.07
  • CNY 54.94
14 Qazan, 05:20:20
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

21 Qyrkúıek, 2019 Aımaqtar

Zańsyz ań aýlaýǵa ruqsat joq

Qazaqstan Respýblıkasynyń Prezıdenti Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda memleket damýyna tyń serpin beretin mindetterdi aıqyndaýmen qatar quqyqbuzýshylyqtyń aldyn alý máselelerine aıryqsha toqtaldy. Osy qatarda brakonerlermen kúres sharalarynyń kúsheıe túsetindigin basa aıtty. Bul turǵyda: «Sońǵy ýaqytta bolǵan qaıǵyly oqıǵalar uıymdasqan qylmystyń taǵy bir túri – brakonerlik problemasynyń betperdesin ashty. Búginde brakonerler saqadaı-saı jabdyqtalyp, qarýlanǵan jáne ózderiniń jazalana qoımaıtynyna senimdi. Bıyldyń ózinde janýarlar álemin qorǵap júrgen eki ınspektor brakonerlerdiń qolynan qaza tapty. Jaqynda Shyǵys Qazaqstan oblysyndaǵy Marqakól kólinde brakonerlerdiń qylmystyq toby ustaldy. Bul tek bir ǵana mysal, alaıda brakonerliktiń tamyry tereńge jaıylǵan, sonyń ishinde bul quqyq qorǵaý organdarynyń salǵyrttyǵynan bolyp otyr. Brakonerler ulttyq baılyǵymyz – tabıǵatymyzǵa aıaýsyzdyqpen orny tolmas zııan keltirýde. Úkimetke eki aı ishinde tıisti zańnamany qataıtý úshin shuǵyl sharalar qabyldaýdy tapsyramyn», – dep atap kórsetti Prezıdent.

Brakonerlermen kúreske jaýapty mekemeniń biri- QR Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń Jambyl oblystyq orman sharýashylyǵy jáne janýarlar dúnıesi aýmaqtyq ınspeksııasy. Qazirgi tańda atalmysh ınspeksııada 32 adam eńbek etedi. Memlekettik ınspektorlardyń qaýipsizdigi úshin olarǵa 20 qarý-jaraq bekitilip berilipti. Issapar kezinde ınspektorlar mindetti túrde memlekettik qarýmen qamtamasyz etiledi eken. Eger ınspeksııanyń materıaldyq bazasy jaqsy bolsa, zańsyz ań aýlaýshylarmen kúres júrgizý aıtarlyqtaı jeńildeı túsetini anyq. Máselen ınspeksııa ıeliginde 16 memlekettik avtokólik bar. Sonyń ishinde 7 «ÝAZ», 1 «Gazel» men 6 «Nıva – Shevrolet» jáne «KIA Sportage», «Toyota Fortuner» kólikteri brakonerlerdi quryqtaýǵa jarap tur.

Jalpy, oblys aýmaǵynda 49 ańshylyq alqap ornalasqan bolsa, onyń ishinde 44 ańshylyq alqap 27 tabıǵat paıdalanýshyǵa bekitilip berilipti. Munan ózge 5 ańshylyq alqap rezervtik qor esebinde eken. Bekitilip berilgen ańshylyq alqap 107 qoryqshynyń qaraýynda kórinedi. Ol aýmaqqa tıesili 88 avtokólik bólinip, 54 kordon jáne 20-dan asa qonaqúı ornalasqan. Sondaı-aq «Andasaı» sekildi memlekettik tabıǵı zoologııalyk qoryqtardy kúzetýmen «Ohotzooprom» ispetti respýblıkalyq memlekettik mekemeler de aınalysady eken. Olardyń da mindeti –Qyzyl kitapqa engen ań qustardy qorǵaý jáne ósimin molaıtý.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir