• USD 389.52
  • EUR 429.21
  • RUB 6.07
  • CNY 54.94
14 Qazan, 05:21:06
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

20 Qyrkúıek, 2019 Aımaqtar

Jambylda Olımpıada jastarmen kezdesti

Jambyl oblysy ákimi apparatynyń «Qoǵamdyq kelisim» KMM-de Taraz qalasy ákimdiginiń jumyspen qamtý jáne áleýmettik baǵdarlamalar bóliminiń uıymdastyrýmen «Qazaqstannyń 100 jańa esimi» jobasynyń 1 kezeńiniń jeńimpazy, júzýden Qazaqstan Respýblıkasynyń eńbek sińirgen sport sheberi, júzýden 14 dúrkin álem rekordyn jańartýshysy, el tarıhynda tuńǵysh ret Paraolımpıada oıyndarynyń jeńimpazy Zýlfııa Gabıdýllınanyń múmkindigi shekteýli jandarmen kezdesýi uıymdastyryldy.

Is-sharaǵa múmkindigi shekteýli balalar men olardyń ata-analary, estýinde aqaýy bar «Meıirim» mektep-ınternatynyń jáne kórý kemistigi bar «Bolashaq» mektep-ınternatynyń balalary qatysty.

Is-shara barysynda joba jeńimpazy Zýlfııa Raýhatqyzy óziniń jetistikke jetý jolyndaǵy ómir tarıhy, ómirlik ustanymdary týraly óı bólisti.

Sonymen qatar, 18 jastan asqan adamdarǵa úıde áleýmettik kómek kórsetý bóliminiń meńgerýshileri J.Joldybaeva men Sh.Alıbaeva aǵymdaǵy jyly «Qazaqstannyń kıeli jerleriniń geografııasy» jobasynyń bastaý alǵany týraly jáne joba aıasynda 30 erekshe balalardy qamtý kózdelip otyrǵanyn aıtyp ótti. Jobanyń maqsaty: balalarǵa óńirimizdiń kıeli jerleri týraly maǵlumat berý. Jas urpaqtyń boıynda týǵan jerine degen súıispenshiligi men qazaqstandyq patrıotızm sezimin arttyrý, tarıhı jáne mádenı eskertkishterdi, kıeli jerlerdi tanymal etý.

Is-shara barysynda shaǵyn konserttik baǵdarlama ótkizilip, shara sońynda «Biz birgemiz» eriktiler qoǵamynyń qoldaýymen «Astana cinema» kınoteatrynda mýltıflıkasııalyq fılmderdi tamashalap, «ulya.cakes» tátti bálishter sheberhanasynyń tátti bálishteri men sýsyndarynan dám tartty.

Aıta keteıik, Z. Gabıdýllına 1965 jyly Jambyl oblysynda dúnıege kelgen. О́kinishke qaraı, kishkentaı kezinde jan túrshigerlik jol apatyna túsken.

Soǵan qaramastan, erik-jigeri myqty, batyl qyz Qazaqstanǵa Jazǵy paralımpıada oıyndarynan tuńǵysh ret altyn alyp bergen sportshy. Ol álemniń 12 márte rekordsmeni ári ǵalamshardyń eń myqty 8 júzgishteriniń biri ekendigin bireý bilse, bireý bile bermeıdi. Jalpy, Zýlfııa sportqa 1990-shy jyly bet burǵan. Al sýǵa júzýmen kásibı turǵyda 2007 jyldan bastap aınalysa bastapty. Áýlıeatalyq batyr qyz múmkindiginiń shekteýliligine qaramastan, elimizdiń atyn dúnıe júzine tanytyp júrgen jigerli tulǵa.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir