• USD 389.52
  • EUR 429.21
  • RUB 6.07
  • CNY 54.94
18 Qazan, 13:13:19
Sarapshylar joldaýdyń júzege asyrylýyn talqylady

18 Qyrkúıek, 2019 NEWS

Teatr festıvali ótedi

20-25 qyrkúıek aralyǵynda Semeıde Mádenıet jáne sport mınıstrligi Shyǵys Qazaqstan oblysy ákimdiginiń qoldaýymen jáne Qazaqstan teatrlary assosıasııasynyń uıymdastyrýymen Qazaqstannyń halyq artısi, Memlekettik syılyqtyń laýreaty, kórnekti teatr jáne kıno aktrısasy Ámına О́mirzaqovanyń 100 jyldyǵyna arnalǵan Qazaqstan drama teatrlarynyń XXVII respýblıkalyq teatr festıvali ótedi.

Festıval Qazaqstanda teatr ónerin dáriptep, kópshilikke taratýǵa, dástúrli teatr ónerin saqtap, ári qaraı damytýǵa, daryndy artıster men rejısserlerdi anyqtap, olarǵa qoldaý kórsetýge, zamanaýı sahna prosesindegi negizgi basymdyqtardy anyqtaý, óskeleń urpaqtyń boıynda otansúıgishtik qasıetti damytýǵa jol ashyp, teatr ónerin damytýǵa múmkindik týǵyzady.

Sondaı-aq, shara qazaqtyń kórnekti kıno jáne teatr aktrısasy, Qazaqstannyń halyq artısi, Memlekettik syılyqtyń laýreaty Ámına О́mirzaqovanyń esimin el esinde máńgi qaldyrý, onyń shyǵarmashylyǵy jáne murasymen tanystyrý maqsatynda uıymdastyrylmaq.  

Festıvalge elimizdiń 12 teatr ujymy úzdik qoıylymdarymen qatysady. Alty kún boıy Semeı qalasynyń qonaqtary men turǵyndary festıval barysynda Q.Qýanyshbaev atyndaǵy Memlekettik akademııalyq qazaq mýzykalyq drama teatry, Ǵ.Músirepov atyndaǵy Qazaq memlekettik akademııalyq balalar men jasóspirimder teatry, Abaı atyndaǵy qazaq mýzykalyq drama teatry, N.Jantórın atyndaǵy Mańǵystaý oblystyq mýzykalyq-drama teatry, M.Gorkıı atyndaǵy Memlekettik akademııalyq orys drama teatry, F.M. Dostoevskıı atyndaǵy orys drama teatry, Qyzylorda oblystyq N.Bekejanov atyndaǵy qazaq mýzykalyq drama teatry, «Nomad» teatry, J.Aımaýytov atyndaǵy Pavlodar oblystyq qazaq mýzyka-drama teatry, «Darıǵa-Aı» jastar teatry, S.Muqanov atyndaǵy Soltústik Qazaqstan oblystyq qazaq sazdy-drama teatry, Shyǵys Qazaqstan oblystyq drama teatrlarynyń qoıylymdaryn tamashalaı alady.

Baspasóz konferensııasy – 20 qyrkúıekte saǵat 10.00-de, festıvaldiń saltanatty ashylý rásimi – 20 qyrkúıekte saǵat 11.00-de, festıvaldiń saltanatty jabylý rásimi – 25 qyrkúıekte saǵat 19.00-de, sondaı-aq festıval qoıylymdary 20-25 qyrkúıek aralyǵynda Abaı atyndaǵy qazaq mýzykalyq drama teatrynyń ǵımaratynda ótedi.     

Kelem deýshilerge esik ashyq.

BAILANYS TELEFONDARY: 8 707-808-18-90

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir