13 Qyrkúıek, 2019 Mańǵystaý oblysy
Mańǵystaýda prezıdenttik kadr rezervine irikteý bastaldy
Prezıdenttik jastar kadr rezervine ótinimderdi qabyldaý bastaldy. Qujattardy qabyldaý úshin avtomattandyrylǵan onlaın-platforma iske qosyldy. Bul týraly óńirlik kommýnnkasııalar qyzmeti alańynda QR Memlekettik qyzmet isteri agenttiginiń Mańǵystaý oblysy boıynsha departamenti basshysynyń orynbasary Qaırat Báıgebaev málim etti.
Onlaın-platformany qoldaný jeńil ári óte yńǵaıly.
Úmitkersaıttyń basty betinde Prezıdenttik jastar kadr rezerviniń irikteýine qatysty maǵlumatty ınfografıka arqyly bile alady. Onda irikteýge kimder qatysa alatyndyǵy, ýaqyty men irikteý kezeńderi jazylǵan.
Tirkeý tártibi barynsha jeńildetilgen.
Úmitkerge mindetti túrde óziniń jeke málimetterin, aty-jónin, tegin, JSN, irikteý kezeńderinen ótýge qolaıly tildi tańdap óziniń uıaly telefony men elektrondy poshtasyn kórsetý qajet.
Sonymen qatar, aqparattardy óńdep saqtaý týraly kelisimmen tanysyp, tıisti talaptardy qabyldaýy kerek.
Talaptardy qabyldamaıynsha úmitker Prezıdenttik jastar kadr rezervine qatysa almaıdy.
Prezıdenttik jastar kadr rezervine qatysý úshin úmitkerlerge bar bolǵany PKRezerv.kz. saıtyna tirkelý qajet.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir