Jastar kadrlyq rezervisi – jastarǵa berilgen mol múmkindik

Táýelsizdigimizdi alyp, egemendigimizdi bekitkennen keıingi elimizdiń damýy, onyń álem aldyndaǵy bedeliniń ósýi Elbasy Nursultan Ábishuly Nazarbaevtyń qajyrly eńbegi ekeni barshamyzǵa aıan.

Ult kóshbasshysynyń tarıhı eńbeginiń basym baǵyty – el jastaryna arnalǵan. О́ıtkeni Elbasy árqashan el jastarynyń naǵyz qamqorshysy, qoldaýshysy bolyp keledi. Sol saıası sabaqtastyqty qazirgi Prezıdentimiz Qasym-Jomart Kemeluly Toqaev ta jalǵap, qyzmetke kirese salysymen jastarǵa úlken senim artatyndyǵyn ashyq aıtty dep jazady Qamshy.kz aqparat agenttigi. .

Statıstıkalyq málimetke súıensek, el turǵyndarynyń 4,5 mıllıonnan astamy jastardyń úlesinde eken. Bul degenimiz jalpy halyqtyń 30 paıyzy jastar degendi aıǵaqtaıdy. Endeshe, elimizdiń erteńgi bolashaǵy búgingi jastardyń qolynda desek artyq aıtqanymyz emes.

Eń áýeli jastar boıynda rýhanı adamgershilik, saıası ıntelekt, quqyqtyq tárbıe basym bolǵany jón.

Qazirgi tańda memlekettik deńgeıdegi jıyndarda belsendi jastar bas qosyp, qoǵam ómirine etene aralasyp jatqandyǵy kóńil qýantady. О́ıtkeni, biz sergek sanasy bar, aǵa býyn danasy bar, Uly Daladaı dalasy bar, Máńgilik eldiń tórindegi qazaq degen balasy bar elmiz.

Bıylǵy jyl jastar úshin erekshe qoldaý jyly boldy. Sebebi osy jyl Jastar jyly dep jarııalanyp, elimizdiń barlyq aımaǵynda jastardy qoldaýǵa baǵyttalǵan qyrýar sharýa atqaryldy. Sonyń ishinde jastarǵa erekshe qýanysh syılaǵany ol Prezıdenttiń Jastar kadrlyq rezervin qalyptastyrý ıdeıasy.

Qazaqstanda Prezıdenttiń kadrlyq rezervi memlekettik qyzmettiń barlyq deńgeıine jastardy tartý úshin qurylyp, barlyq jastar teń múmkindikter syılap, barynsha ashyq ótkizilmek. 1 qyrkúıekten bastaý alǵan atalmysh joba birneshe kezeńnen turady. Kandıdattardyń qujattaryn qabyldaý, úmitkerlerdiń teorııalyq bilimin testileý, jastardyń kóshbasshylyq qasıeti, syn turǵysynan oılaý deńgeıi, strategııalyq kózqarasy, ýájdemesi men qundylyqtaryn baǵalaý syndy mejelerden súrinbeı ótken 300 jas rezevke engizilmek.

Bul joba jastarǵa bereri mol dúnıe. О́ıtkeni qanshama óz isiniń sheberleri, kreatıvti ıdeıalarǵa baı jastar ortamyzda tanyla almaı, óz múmkindigin kútip júr.

Ras, osydan birer jyl buryn «Nur Otan» partııasynyń jastar kadrlyq rezervisi dúnıege keldi. Alaıda jasyratyny joq sol rezervte jyldap tursaqta jemisin kóre almadyq. Iаǵnı joba mejeli mindetin oryndaı almady. Endi mine jastar kadrlyq rezervisine ótinip berip jatqandyqtan bul bastama baıandy bolady dep úmit zor. Eń bastysy joba dittegen jerine jetip, jastardyń úmitin úzbese eken. Sonymen qatar «Bolashaq» syndy memlekettik baǵdarlamalar aıasynda shetelde bilim alyp kelgen jastarǵa basymdyq berilip, ózge jastar shetqaqpaı kórip qalmasa eken dep tileımiz. Jasyratyny joq, bul úrdis osy tańǵa deıin qoǵamda oryn alyp, kóp talanttar tasada qalyp ketip jatty. Osy steratıvti Qazaqstannyń jańa dáýirine jol salǵan Memleket basshysy Qasym-Jomart Toqaev buzyp, jastardy jarqyn bolashaqqa jeteleıdi dep senemiz.