• USD 378.65
  • EUR 430.07
  • RUB 6
  • CNY 55.1
18 Qyrkúıek, 12:00:40
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, "Qamshyńa" jazshy», – deıdi ákem

11 Qyrkúıek, 2019 Aımaqtar

Eń basty maqsat buqaramen ashyq dıalog qurý

Memleket basshysy Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýy búginde jer-jerlerde jiti talqylanýda. Jyldyń bas qujatynyń basym baǵyttary túsindirilip, alqaly otyryrystar ótýde. Sondaı basqosýdyń biri Jambyl oblysy ákimdiginde uıymdastyryldy dep jazady Qamshy.kz aqparat agenttigi.

Jıynda eń aldymen oblys ákiminiń orynbasary Sulýshash Qurmanbekova baıandama jasap, Joldaý júktegen talaptar men mindetter boıynsha óńirde atqarylatyn jumystarǵa toqtaldy.

- QR Prezıdenti Qasym-Jomart Toqaev halyqqa arnaǵan Joldaýynda zamanaýı talaptarǵa jaýap beretin damýdyń basty baǵyttaryn belgilep berdi.

Elimizdiń damý jolyn álem moıyndap, «Nazarbaev» modeliniń negizinde órkendeýdiń jańa kezeńine shyǵý joly aıqyndaldy.

Prezıdenttiń saılaýaldy baǵdarlamasyn iske asyrýdyń ózegi retinde bes mindet alyndy. Birinshisi – zaman talabyna saı tıimdi memleket. Ekinshisi – azamattardyń quqyqtary men qaýipsizdigin qamtamasyz etý. Úshinshi mindet – qarqyndy damyǵan jáne ınklıýzıvti ekonomıka. Tórtinshi mindet – áleýmettik jańǵyrýdyń jańa kezeńi. Besinshi mindet – qýatty óńirler – qýatty el.

Birinshiden ekonomıkalyq órleý jáne áleýmettik salanyń barlyq baǵyttary boıynsha saıası reformalar kezeń-kezeńimen, tabandy túrde jáne jan-jaqty oılastyryp, «Halyq únine qulaq asatyn memleket» tujyrymdamasyn júzege asyrý mindeti tur.

Bılik pen qoǵam arasyndaǵy turaqty dıalog ornatý aldaǵy ýaqytta atqaratyn jumystyń basym baǵytyna aınalýy tıis. Sondyqtan azamattyq qoǵamǵa qoldaý kórsetip, onyń áleýetin nyǵaıta túsý asa mańyzdy, -dep sózin bastaǵan Sulýshash Sátbekqyzy odan ári halyqpen tyǵyz baılanys ornatýdyń tıimdiligin tilge tıek etti.

- Prezıdent Joldaýda «Qoǵamdyq dıalog, ashyqtyq, adamdardyń muń-muqtajyna jedel nazar aýdarý memlekettik organdar qyzmetiniń negizgi basymdyqtary sanalady» , - dep erekshe atap ótti. Osy oraıda oblys ákiminiń 13 naýryzdaǵy №70-ó ókimimen jergilikti atqarýshy organdarynyń jumys algorıtmderi bekitilgen bolatyn. Algorıtmge sáıkes, qala, aýdan ákimderi 5 kún buryn basylymdarda, áleýmettik jelilerde, resmı saıttarda turǵyndarmen ótkizetin kezdesý orny, merzimi týraly habarlaý kerek. Alaıda jergilikti ákimder tarapynan algorıtmdi júzege asyrý barysynda kóptegen kemshilikterge jol berilip, áli de bolsa turaqty júıe qalyptaspaı otyrǵany anyqtaldy.

Máselen birqatar aýdandarda aýdan ákiminiń okrýgterdi aralaý kestesi aýdan ákimimen bekitilmegen jáne eldi mekenderge shyǵý kestesi oblys ákiminiń bas ınspektoryna resmı joldanbaǵan. Sondaı-aq ótkizilgen

jıyndardyń hattamalarynda okrýg ákiminiń, jergilikti mekeme basshylary esepteriniń tyńdalǵany, olardyń jumysyna naqty baǵa berý, kóterilgen máseler boıynsha qabyldanǵan sheshimder, oǵan jaýapty laýazym ıesin bekitý sekildi máseleler enbegen. Rásimdelgen hattamalardyń oryndalýyna taldaý jasalmaǵan.

Budan bólek, ınspektorlar tarapynan zerdeleý barysynda ákimderdiń eldi mekenderdi aralaý kezinde azamattardy jáke suraqtarmen qabyldaý máselesi de júıelenbegeni belgili boldy.

Osylaısha algorıtm qabyldanǵaly jarty jylǵa jýyq ýaqyt ótse de kóptegen aýyl ákimderi apta saıyn turǵyndarmen ótetin kezdesýlerge nemquraıly qaraýda, - dep oblys ákiminiń orynbasary aýdan men aýyl ákimderiniń júıesiz jumysyn bir synap ótti.

Baıandama tyńdalǵannan keıin birqatar azamattar jaryssózge shyǵyp, Memleket basshysy Qasym-Jomart Kemelulynyń halyqqa arnaǵan Joldaýyna qoldaý bildirdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir