Qazaqstannyń syrtqy saýdasynda Qytaı ekinshi orynǵa shyqty

О́tken jylǵy sáıkes kezeńmen salystyrǵanda elder arasyndaǵy saýda 31,2 paıyzǵa ósken. Jyl basynan bergi 7 aıda Qytaıǵa satylǵan taýar baǵasy 4,6 mlrd dollardy qurady. Atalǵan sıfrlar 2018 jylǵy kórsetkishten bir jarym esege artyq. Al Qytaı ımporty ótken jylǵydan 14,2 paıyzǵa joǵary. Resmı derekke saı, Qazaqstan Qytaıdan 3,4 mlrd dollarǵa taýar satyp alǵan, dep habarlaıdy Qamshy.kz aqparat agenttigi 365info.kz saıtyna silteme jasap.

Ádettegideı, Qazaqstan eksportynyń negizin shıkizat quraıdy. 2011-2016 jyldary eksporttalǵan taýarlardyń basym kópshiligi munaı bolǵan edi. 2017 jyldan bastap suıyq otyn kólemi qysqaryp, alǵashqy orynǵa mys shyǵa bastady. 2019 mys keni tolyqtaı kóshbasshylyq orynǵa jaıǵasty. Qazaqstan 7 aıda Qytaıǵa 1,2 mlrd dollardyń mysyn eksporttaǵan. Qytaıǵa mys satý osymen tórtinshi jyl qatarynan artyp keledi. Sondaı-aq bıyl taý-ken salasynyń ónimderin eksporttaý da joǵary ósimge ıe.

Al Qytaıdan elge kiretin taýarlar túri áralýan. Jyl basynan beri 841 taýar túri ımporttalǵan. Importtyq taýarlar arasynda telefon men esepteýish tehnıka jetekshi orynda. Biraq olarǵa degen suranys birtindep tómendep keledi. Bul Vetnam men Úndistan syndy naryqtardyń elge enýimen túsindiriledi.

Sonymen qatar qytaılyq kompıýter, noýtbýk, planshet syndy apparattarǵa da suranys 20 paıyzǵa deıin tómendegen. Buǵan sebep Reseı men Chehııadan keletin ımport kóleminiń artýy. 

Esesine qytaılyq oıynshyqtar men aıaq kıim eksporty eselep ósýde. Rezına men plastmasadan jasalǵan úlgiler 88,6 mln dollardy qurasa, aıaq kıip buıymdaryn ákelý 44,8 mln dollarǵa jetken.

Oıynshyqtar ishinde úsh dóńgelekti velosıpedter, qýyrshaqqa arnalǵan arbalar, qýyrshaqtardyń ózi, samokattar, pedaldi avtokólikter, basqatyrǵysh oıynshyqtardyń úlesi basym. Bul saladaǵy ımport 79,6 mln dollarǵa jetken. Bul byltyrǵy kórsetkishten eki esedeı joǵary.