• USD 378.65
  • EUR 430.07
  • RUB 6
  • CNY 55.1
20 Qyrkúıek, 06:03:44
Latyn álipbıine kóshý máseleleri semınar-keńeste sóz boldy

02 Qyrkúıek, 2019 Aımaqtar

Jambyl jýrnalıstıkasynyń ardageri Aqparat salasynyń úzdigi atandy

Jambyl jýrnalıstıkasynyń ardageri Bolat Máýlenov Aqpara jáne qoǵamdyq damý mınıstrliginiń «Aqparat salasynyń úzdigi» tósbelgisine ıe boldy.Bıyl jetpis jasqa tolǵan jýrnalıst úshin bul tósbelgi mereıtoıy qarsańynda úlken syı boldy dep jazady Qamshy.kz aqparat agenttigi. 

Marapatty ıesine Taraz qalasyndaǵy «Balasaǵun» ortalyq konsert zalynda Qazaqstan Respýblıkasy Konstıtýsııa kúnine oraı uıymdastyrylǵan saltanatty jıynda Jambyl oblysynyń ákimi Asqar Myrzahmetov tapsyrdy. Aıta ketý kerek bul marapatqa Bolat Máýlenovti Qazaqstan Jýrnalıster Odaǵynyń oblystyq fılıaly usynǵan edi.

Jalpy «Aqparat salasynyń úzdigi» atanǵan Bolat Máýlenovtiń esimi oblys turǵandaryna jaqsy tanys. Ol 40 jylǵa jýyq jýrnalıstik eńbek jolynda oblystyq gazette, aqparat agenttiginde, teleradıo kompanııada ózindik qoltańbasyn qaldyrǵan kásipqoı jýrnalıst. Alǵashqy maqalasyn altynshy synyp oqyp «Qazaqstan pıoneri» gazetinde jarııalaǵan B.Máýlenov sodan beri «jegeni jantaq, arqalaǵany altyn sanalatyn» mamandyqtyń ystyq sýyǵyna tózip kele jatqan jan. Mektepti támamdaǵan soń Qazaq memlekettik ýnıversıtetiniń jýrnalıstıka fakýltetine túsedi. Qolyna jýrnalıst mamandyǵyn rastaıtyn dıplomyn alǵan soń 1976-1992 jyldar aralyǵyndaǵy qazirgi «Aq jol» (burynǵy «Eńbek týy») gazetinde aǵa ádebı qyzmetker, sholýshy, bólim meńgerýshisi tárizdi shyǵarmashylyq qyzmet satylarynan ótken. Keıinnen Jambyl oblystyq teleradıokompanııasy tóraǵasynyń shyǵarmashylyq jónindegi orynbasary, oblystyq radıonyń bas redaktory qyzmetterin atqardy.

Ár jyldary birqatar respýblıkalyq buqaralyq aqparat quraldarynyń oblystaǵy menshikti tilshisi bolyp eńbek etti. Atap aıtqanda Bolat Máýlenov oblystyq áleýmettik ekonomıkalyq ómirin respýblıkalyq «Dala dıdary», «Aýyl», «Aıqyn», «Qazaqstan—Zaman» gazetteriniń óńirdegi menshikti tilshisi retinde kórsete bildi. Jýrnalıstik qyzmetten qol úzbesten moıynqumdyq ataqty qyryqtyqshy Shotaı Taıbaǵarov tájirıbesi jaıynda «Qoı qyrqý sheberligi» kitaby men «Eńbekpen er atanǵandar» ocherkter jınaǵyn jaryqqa shyǵardy.

Bıyl Bolat Máýlenovtiń ocherkter, suhbattar, tolǵaýlar toptastyrylǵan «Muz ben gúl» kitaby baspadan shyqty.

Ilmek sózder: Jambyl oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir