• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:32:56
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

25 Tamyz, 2019 Aımaqtar

Jambyldyq sýretshiniń jetistigi

Jambyl oblysynyń tanymal sýretshisi, músinshisi jáne qolóner sheberi Qazym Amanqosov Soltústik Kıpr aralynyń Nıkosııa qalasynda ótken halyqaralyq sýretshiler sımpozıýmyna qatysty. Ile-shala jambyldyq sýretshi túrkııalyq taraptyń usynysymen Nıkosııa qalasynda 1 aı boıy jeke kórmesin ótkizdi dep jazady Qamshy.kz aqparat agenttigi. 

15 kúnge sozylǵan sımpozıým jumysynda Qazym Amanqosov negizinen keskindeme óneri boıynsha kartınalar salǵan. Túrkııa azamaty Gýnsal Sýattyń jeke bastamasymen ótip jatqan kórmeniń negizgi maqsaty keler jyly Kıprde ashylatyn zamanaýı óner murajaıyna túrki elderiniń mádenıetin tanytatyn eksponattar men kartınalardy jınaqtaý bolyp tabylady.

Aıta ketý kerek Jambyl mádenıetiniń qolóner, kórkem sýret baǵytynda ózindik qoltańbasy bar Qazym Amanqosov shyǵarmashylyǵy buǵan deıin halyqaralyq deńgeıde tanylyp keledi. Kóptegen halyqaralyq jáne respýblıkalyq kórme-baıqaýlarǵa qatysyp júrgen sýretshiniń keı shyǵarmalary Fransııa, AQSh, Germanııa, IýNESKO, Ispanııa elderiniń jeke kolleksııalarynda saqtalǵan.

Elbasynyń «Uly dalanyń jeti qyry» atty maqalasynda Qazaqstannyń ejelgi turǵyndarynyń ozyq mádenıeti bolǵanyn aıtylady.

«Olardyń murasynyń jarqyn kórinisi, kórkem bolmysy men rýhanı baılyǵynyń aıshyqty belgisi – «ań stıli» óneri. Janýarlar beınesin turmysta paıdalaný adam men tabıǵattyń ózara baılanysynyń sımvolyna balanyp, kóshpendilerdiń rýhanı baǵdaryn aıqyndap otyrǵan.Olar jyrtqyshtardyń, negizinen mysyq tuqymdas ańdardyń sýretin kóbirek qoldanǵan. Egemen Qazaqstannyń sımvoldarynyń biri – jergilikti janýarlar áleminde sırek kezdesetin turpaty tekti qar barysy ekeni kezdeısoq emes», dep jazady Elbasy.

Sáıkesinshe sýretshi Qazym Amanqosov shyǵarmashylyǵynan da zamanaýı tehnologııa men ejelgi qolóner stılderiniń úılesim tapqany ańǵarylady. Ásirese onyń ataǵyn shyǵarǵan «Orteke» týyndysynda qolóner men qazaqtyń kúıiniń yrǵaǵy baıqalady. Sondyqtan da jerles sýretshiniń shyǵarmashylyǵynyń qaınar bulaǵy qazaq jerindegi ejelgi qolóner týyndylarynan órbip, álemdik tájirıbemen bite qaınasqanyn aıtýǵa bolady. Osynaý ónerdi kúlli álemge nasıhattap, halyq rýhanııatynyń damýyna óz úlesin qosyp júrgen ónerpaz jaqynda ǵana «Qazaqstannyń 100 jańa esimi» jobasyna usynylǵan edi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir