• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:11:22
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

24 Tamyz, 2019 Aımaqtar

Jambylda sý qoımalary jóndelip jatyr

Jambyl oblysynyń ákimi Asqar Myrzahmetovtiń tikeleı tapsyrmasyna sáıkes, óńirdegi sý qoımalarynyń tıimdiligin arttyrýǵa basa nazar aýdarylýda dep jazady Qamshy.kz aqparat agenttigi. 

Jambyl oblysy ákimdiginiń tabıǵı resýrstar jáne tabıǵat paıdalanýdy retteý basqarmasyna qarasty «Jambyl sý qoımalary» memlekettik mekemesi qurylǵan 2012 jyly onyń teńgeriminde 30 sý qoımasy bolǵan eken. Byltyr olardyń sany 73-ke jetse, bıyl 100-den asyp jyǵylypty. Bul ıesiz, belgisiz jatqan sý qoımalaryn anyqtaý jumystarynyń nátıjesi ekendigi daýsyz. Sondaı-aq «Jambyl sý qoımasy» mekemesiniń mamandary «Qazsýshar» sekildi respýblıkalyq kásiporyndardyń qaramaǵyndaǵy sý qoımalaryn óz teńgerderimine alýdyń tıimdiligi mol ekenin aıtady.

Oblys ákimi Asqar Myrzahmetov mekemeniń teńgerimindegi sý qoımalardyń sany ulǵaıǵandyqtan, aıryqsha qoldaý bildirip, materıaldyq-tehnıkalyq bazasyn kúsheıtý maqsatynda jergilikti bıýdjetten 38 mıllıon teńge qarjy bólýge yqpal etipti. Sonyń arqasynda materıaldyq baza kúsheıtilip, bólingen qarjyǵa qajetti qural-saımandar alynǵan. Odan bólek, jańa tehnıkalarmen qamtamasyz etilip, sý qoımalardyń tehnıkalyq jaǵdaıyn óz deńgeıinde qadaǵalaý maqsatynda qosymsha 15 shtattyq birlik berilipti.

Búginde mekemeniń teńgerimindegi sý qoımalary men bógetter 5 aýdandyq bólimshelerge bólinip berilgen. Bul bólimshelerde qazirgi tańda jalpy sany 36 qyzmetker jumys atqarady. Oblys ákiminiń tapsyrmasyna sáıkes sýarmaly egistik jerlerdiń alqabyn ulǵaıtý maqsatynda sý qoımalarynyń tehnıkalyq jaǵdaıyn jaqsartý boıynsha naqty tapsyrmalar da júktelgen.

Qazir sý qoımalarynyń jaǵdaıy jergilikti bıliktiń basty nazarynda. О́ıtkeni, óńirdegi sýarmaly egistik albynyń kólemin arttyrý úshin bul nysandardyń tıgizer paıdasy mol. Sondyqtan da jóndeý jumystaryna kóńil bólinýde. Byltyr aımaqtaǵy 5 sý qoımasyna «Jambyl sý qoımalary» mekemesiniń kúshimen aǵymdaǵy jóndeý jumystary júrgizilgen.

Mysaly, Baızaq aýdandyq bólimshesine qarasty «Kósheneı» sý qoımasynyń syıymdylyǵy 800 myń tekshemetr. Onyń 800 metr bógetiniń 36 metrine topyraq tastalyp, jaly bıiktetilgen. Al «Shálke» sý qomasynyń syıymdylyǵy 550 tekshemetr. Onyń da 1 shaqyrym 800 metr bolatyn bógetiniń 148 metri jóndelipti. Atalmysh sý qoımalaryn jóndeý úshin «Jambyl sý qoımasy» kásipornynyń 1 ekskovatory, aýdandaǵy bólimshe mamandary jumyldyrylyp, birli-jarym sharýashylyqtyń tehnıkasy paıdalanylyp, jumysshylary kómek bergen. «Kósheneı» sý qoımasynyń sýy egistikke paıdalanylsa, «Shálke» sý qoımasy balyq sharýashylyǵy jáne basqa sý qoımalaryna sý jiberip otyrýǵa arnalǵan eken. Bógetter 2 metrge deıin bıiktetilgen.

Bul baǵyttaǵy jumystar aldaǵy ýaqytta jalǵasa beretin bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir